കണ്ണൂര്: കണ്ണൂര് ആസ്ഥാനമായി ദേശീയ തലത്തില് പ്രവര്ത്തനപരിധിയുള്ള സൊസൈറ്റീസ് ആക്ട് അനുസരിച്ച് രജിസ്റ്റര് ചെയ്ത പീപ്പിള്സ് ലോ ഫൗണ്ടേഷന് എന്ന സംഘടനയുടെ പ്രവര്ത്തനം ആരംഭിച്ചു. അര്ഹരായവര്ക്ക് സൗജന്യ നിയമസഹായം, മനുഷ്യാവകാശ സംരക്ഷണത്തിനു വേണ്ടി ഫലപ്രദമായ ഇടപെടലുകളും നിയമ നടപടികളും സ്വീകരിക്കല്, പരിസ്ഥിതി സംരക്ഷണത്തിന് കാര്യക്ഷമമായ പ്രവര്ത്തന പരിപാടികള് നടത്തല്, പൊതുഭരണത്തെ അഴിമതിമുക്തമാക്കുന്നതിനുള്ള ഇടപെടലുകള് നടത്തുക തുടങ്ങിയ ഉദ്ദേശങ്ങളോടെയാണ് സംഘടന രൂപീകരിച്ചിട്ടുള്ളത്. സംഘടനയുടെ ഉദ്ഘാടനം 10 ന് വൈകുന്നേരം 3 മണിക്ക് കേരള ഹൈക്കോടതി ജഡ്ജ് ജസ്റ്റിസ് എ.മുഹമ്മദ് മുഷ്താഖ് നിര്വഹിക്കും. പീപ്പിള് ലോ ഫൗണ്ടേഷന്റെ മനുഷ്യാവകാശ സംരക്ഷണ സെല്ലിന്റെയും അഴിമതി വിരുദ്ധ സെല്ലിന്റെയും ഉദ്ഘാടനം കെ.കെ.രാഗേഷ് എംപിയും സൗജന്യ നിയമ സഹായ സെല്ലിന്റെയും പരിസ്ഥിതി സംരക്ഷണ സെല്ലിന്റെയും ഉദ്ഘാടനം റിച്ചാര്ഡ് ഹെ എംപിയും നിര്വഹിക്കും. ഗ്ലോബല് ലോ ഫൗണ്ടേഷന്റെ ഒന്നാം വാര്ഷികത്തിന്റെയും പീപ്പിള്സ് ലോ ഫൗണ്ടേഷന്റെ ഉദ്ഘാടനത്തോടനുബന്ധിച്ചും ഇന്ത്യന് ജനാധിപത്യം -ജുഡീഷ്യറിയുടെയും മാധ്യമങ്ങളുടെയും പങ്ക് എന്ന വിഷയത്തെ അധികരിച്ച് നടത്തുന്ന സെമിനാറില് അഡ്വ.ടി.ആസിഫലി, ഡോ.സെബാസ്റ്റ്യന് പോള്, ജോണി ലൂക്കോസ് എന്നിവര് പ്രബന്ധങ്ങള് അവതരിപ്പിക്കും.
സംഘടന രൂപീകരിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.