കണ്ണൂര്: സിബിഎസ്ഇ കണ്ണൂര് സഹോദയ സ്കൂള് കോംപ്ലക്സിന്റെ 20-ാമത് അത്ലറ്റിക് മീറ്റ് 6ന് രാവിലെ 9.15ന് മാങ്ങാട്ടുപറമ്പ് കെഎപി ഗ്രൗണ്ടില് സര്ദാര് വല്ലഭായ്പട്ടേല് സ്റ്റേഡിയത്തില് നടക്കുമെന്ന് ഭാരവാഹികള് പത്രസമ്മേളനത്തില് പറഞ്ഞു. മുന് ഇന്ത്യന് അത്ലറ്റും ഏഷ്യന് ഗെയിംസ് സ്വര്ണ്ണമെഡല് ജേതാവുമായ എം.ഡി.വത്സമ്മ മീറ്റ് ഉദ്ഘാടനം ചെയ്യും. കണ്ണൂര് സഹോദയ ചെയര്മാനും മേരിഗിരി സ്കൂള് പ്രിന്സിപ്പളുമായ പി.ടി.വര്ക്കി അധ്യക്ഷത വഹിക്കും. മമ്പറം ഇന്ദിരാഗാന്ധി പബ്ലിക് സ്കൂളിനാണ് ഈ വര്ഷത്തെ മീറ്റ് നടത്താനുളള ചുമതല. മമ്പറം ദിവാകരന്,എ.ബാലകൃഷ്ണന് തുടങ്ങിയവര് സംബന്ധിക്കും. രണ്ടു ദിവസത്തെ മീറ്റില് എഴുപത്തഞ്ച് സിബിഎസ്ഇ സ്കൂളുകളില് നിന്നായി ആയിരത്തി അഞ്ഞൂറോളം അത്ലറ്റുകള് മത്സരിക്കും. സമാപന സമ്മേളനം കണ്ണൂര് കെഎപി ഫോര്ത്ത് ബറ്റാലിയന് കമാന്റന്റ് കെ.പി.ഫിലിപ്പ് ഉദ്ഘാടനം ചെയ്യും.കണ്ണൂര് യൂണിവേഴ്സിറ്റി ഫിസിക്കല് എജുക്കേഷന് വിഭാഗം ഡയറക്ടര് ഡോ.പി.ടി.ജോസഫ് വിശിഷ്ടാതിഥിയായിരിക്കും. പത്രസമ്മേളനത്തില് ഡോ.വി.ആര്.മധു, സുലേഖ വേണുഗോപാല്, എ.ബാലകൃഷ്ണന് എന്നിവര് പങ്കെടുത്തു.
സഹോദയ സ്കൂള് അത്ലറ്റിക് മീറ്റ് 6ന് മാങ്ങാട്ടുപറമ്പില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.