പരപ്പനങ്ങാടി: അഭ്യര്ത്ഥിച്ചും അപേക്ഷിച്ചും കിടിലന് ഡയലോഗുകള് പറഞ്ഞുമുള്ള വാഹനപ്രചാരണം സജീവമായി. ഓരോ വാര്ഡിലേക്കും വെവ്വേറെ മൈക്ക് പെര്മിഷന് നല്കുന്നതിനാല് നാട്ടുകാരുടെ കാതടപ്പിക്കും.
പണക്കൊഴുപ്പ് കാണിക്കാന് വാഹനങ്ങള്ക്ക് രൂപം മാറ്റം വരുത്തിയും പ്രചാരണത്തിന് ഉപയോഗിക്കുന്നുണ്ട്. തുറന്ന വാഹനങ്ങളില് വാദ്യസംഘത്തെ അണിനിരത്തിയും പ്രചാരണം കൊഴുപ്പിക്കുന്നുണ്ട്.
ആര്ഭാട പ്രചാരണങ്ങളില് നിന്നും ബിജെപി മാത്രമാണ് മിതത്വം പാലിക്കുന്നത്. ദേശീയ-സംസ്ഥാന നേതാക്കള് പോലും നേരിട്ടെത്തി വോട്ടഭ്യര്ത്ഥിക്കുന്നുണ്ട്.
ഫഌക്സുകളിലും പോസ്റ്ററുകളിലും ബിജെപിയുടെ ലാളിത്യം പ്രകടമാണ്. സ്വന്തം സ്ഥാനാര്ത്ഥിയെ പുകഴ്ത്തി പാട്ടുകള് ഉണ്ടാക്കിയും മറ്റും ചിലവിന്റെ കാര്യത്തില് മുന്പന്തിയില് എല്ഡിഎഫും യുഡിഎഫുമാണ്.
വനിതാ സ്ഥാനാര്ത്ഥികള്ക്കായി വോട്ട് അഭ്യര്ത്ഥിക്കാന് വനിതകള് കൂടെയില്ലാത്തത് ഇരുമുന്നണികളെയും കുഴക്കുന്നുണ്ട്. എല്ലാ പാര്ട്ടികളും വ്യാപകമായി പോസ്റ്ററുകള് ഒട്ടിച്ചിരുന്നെങ്കിലും ഇടക്കിടെ പെയ്യുന്ന മഴ അതും നശിപ്പിച്ചു.
