തൊടുപുഴ : പൂമാലയ്ക്ക് സമീപം മാവോയിസ്റ്റ് ലഘുലേഖ കണ്ടെത്തിയെന്ന് അഭ്യൂഹത്തെ തുടര്ന്ന് പോലീസ് തെരച്ചില് നടത്തി. ഇന്നലെ രാവിലെയാണ് പൂമാല കോളനിയില് മാവോവാദികളുടെ ലഘുലേഖ വിതരണം നടത്തിയതായി പോലീസിന് വിവരം ലഭിച്ചത്. സ്കൂട്ടറില് എത്തിയ യുവാവ് സ്വയം മാവോയിസ്റ്റ് എന്ന് പരിചയപ്പെടുത്തി ലഘുലേഖ നാട്ടുകാര്ക്ക് നല്കുകയായിരുന്നു. സംഭവം പോലീസില് അറിയിച്ചെങ്കിലും യുവാവ് രക്ഷപ്പെടുകയായിരുന്നു. പോലീസ് നടത്തിയ പരിശോധനയില് ഇത് മാവോയിസ്റ്റ് ലഘുലേഖയല്ലെന്നും രാഷ്ട്രീയക്കാര്ക്കെതിരെ തയ്യാറാക്കിയ നോട്ടീസാണ് ഇതെന്നും കണ്ടെത്തുകയായിരുന്നു. ബ്രാഹ്മണവിരുദ്ധ സമിതി എന്ന തലക്കെട്ടില് പ്രചരിച്ച നോട്ടീസില് രാഷ്ട്രീയക്കാര്ക്ക് വോട്ട് നല്കരുതെന്നായിരുന്നു എഴുതിയിരുന്നത്. യുവാവി തന്നെ നോട്ടീസ് തയ്യാറാക്കി നാട്ടില് പലയിടങ്ങളില് വിതരണം ചെയ്യുകയായിരുന്നു. സംഭവത്തിന്റെ യാഥാര്ത്ഥ്യം മനസിലാക്കി പോലീസ് തിരച്ചില് അവസാനിപ്പിച്ച് മടങ്ങുകയായിരുന്നു. കാഞ്ഞാര് സിഐയുടെ നേതൃത്വത്തിലുള്ള സംഘമാണ് തെരച്ചില് നടത്തിയത്.
മാവോയിസ്റ്റ് ലഘുലേഖയെന്ന് അഭ്യൂഹം; പോലീസ് തെരച്ചില് നടത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.