ചങ്ങനാശേരി: നഗരസഭയിലും, മാടപ്പള്ളി, പായിപ്പാട്, തൃക്കൊടിത്താനം, വാഴപ്പള്ളി പഞ്ചായത്തുകളില് ബിജെപി സഖ്യം മുന്നേറുന്നു. നഗരസഭയിലെ കഴിഞ്ഞകാലങ്ങളില് അരങ്ങേറിയ രാഷ്ട്രീയ നാടകങ്ങളും അഴിമതിയും വന്പ്രതിഷേധമാണ് ജനങ്ങള്ക്കിടയില് ഉണ്ടാക്കിയത്.
അഴിമതി വിമുക്തവും വികസനവും മുന് നിര്ത്തിയുള്ള ഭരണമാണ് ബിജെപി വാഗ്ദാനം ചെയ്യുന്നത്. നഗരസഭയെ സംബന്ധിച്ച് കഴിഞ്ഞ 20 വര്ഷത്തിനുള്ളില് ഒരു പുതിയ പദ്ധതി പോലും മാറിമാറി വന്ന കൗണ്സിലിന് നടപ്പാക്കാന് കഴിഞ്ഞിട്ടില്ല. ഗതാഗതക്കുരുക്കില് നട്ടംതിരിയുന്ന നഗരത്തിന് പുതിയ റോഡുകളോ, മറ്റുള്ള അടിസ്ഥാന സൗകര്യങ്ങള് ഏര്പ്പെടുത്തുവാനോ കഴിഞ്ഞകാല ഭരണാധികാരികള്ക്ക് സാധിച്ചില്ലായെന്നത് വിഴ്ച തന്നെയാണ്. ഈ യാഥാര്ത്ഥ്യം ജനങ്ങള് തിരിച്ചറിഞ്ഞുകഴിഞ്ഞു. ഇത് ബിജെപി സഖ്യകക്ഷികള്ക്ക് അനുകൂലമായ സാഹചര്യമാണ് നഗരസഭാ തെരഞ്ഞെടുപ്പില് സൃഷ്ടിച്ചിരിക്കുന്നത്. മാടപ്പള്ളി പഞ്ചായത്തില് ബിജെപി പ്രസിഡന്റ് പി.മുരളീധരന്റെ നേതൃത്വത്തില് ശക്തമായ പ്രചരണ പ്രവര്ത്തനങ്ങള് നടന്നു വരുന്നു.
കഴിഞ്ഞ ദിവസങ്ങളില് ബിജെപി ദേശീയ നിര്വ്വാഹക സമിതി അംഗം ശോഭാ സുരേന്ദ്രന്, കോട്ടയം ജില്ലാ െൈവെസ് പ്രസിഡന്റ് രാജന്, പി.സുരേന്ദ്രനാഥ് എന്നിവര് സ്ഥാനാര്ത്ഥികള്ക്ക് വേണ്ടി പ്രചരണ പരിപാടികളില് പങ്കെടുത്തിരുന്നു. പഞ്ചായത്തിന്റെ ഭരണം പിടിച്ചെടുക്കുവാനുള്ള തയ്യാറെടുപ്പിലാണ് പ്രവര്ത്തകര്.
ബിജെപി സഖ്യം ഇത്തവണ പഞ്ചായത്ത് ഭരിക്കും എന്ന ആത്മവിശ്വാസത്തോടെ കണ്വീനര് രാജശേഖരപ്പണിക്കരുടെ നേതൃത്വത്തില് ഭാരവാഹികളും പ്രവര്ത്തകരും സ്ഥാനാര്ത്ഥികളും ഒറ്റക്കെട്ടായുള്ള പ്രവര്ത്തനമാണ് നടത്തുന്നത്. കഴിഞ്ഞ കാലങ്ങളില് 4 മെമ്പര്മാര് ബിജെപിക്ക് പഞ്ചായത്തില് വിജയിച്ചിരുന്നു.
പായിപ്പാട് പഞ്ചായത്തില് ബിജെപി നിര്ണ്ണായക ശക്തിയായി മാറുന്ന കാഴ്ചയാണ് കാണുന്നത്.
വോട്ടര്മാരുടെ ഇടയില് ഒരുമാറ്റം വേണമെന്നുള്ളത് അവരുടെ ഇടയിലൂടെ സ്ഥാനാര്ത്ഥികള് കടന്നുപോകുമ്പോള് പ്രകടമാകുന്നുണ്ട്. പഞ്ചായത്തില് 5-ാം വാര്ഡില് മത്സരിക്കുന്ന ഷൈലമ്മ രാജപ്പന് നാലാംതവണയാണ് ജനപ്രതിനിധിയായി മത്സരിക്കുന്നത്. പഞ്ചായത്ത് കമ്മിറ്റി പ്രസിഡന്റ് എന്.ടി.ഷാജിയുടെ നേതൃത്വത്തില് ശക്തമായ പ്രവര്ത്തനമാണ് നടന്നുവരുന്നത്.
തൃക്കൊടിത്താനം പഞ്ചായത്തില് ബിജെപി സഖ്യംഇടതുവലതു മുന്നണികള്ക്ക് വലിയ വെല്ലുവിളി ഉയര്ത്തിക്കൊണ്ടുള്ള പോരാട്ടം ആണ് കാഴ്ച വയ്ക്കുന്നത്.
ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന് ഉദ്ഘാടനം ചെയ്ത തെരഞ്ഞെടുപ്പ് കണ്വന്ഷനു ശേഷം പ്രവര്ത്തകര് ഓരോ വീടും കയറിയിറങ്ങി വോട്ടുകള് ഉറപ്പിക്കുന്നു. ഇപ്രാവശ്യം തൃക്കൊടിത്താനം പഞ്ചായത്തില് ബിജെപി സഖ്യം അദ്ഭുതം കാഴ്ചവയ്ക്കത്തക്ക പ്രവര്ത്തനവുമായി മുന്നോട്ടു പോകുന്നു.
വാഴപ്പള്ളി ഗ്രാമപഞ്ചായത്തില് ബിജെപി എസ്എന്ഡിപി സഖ്യം സ്ഥാനാര്ത്ഥികള് എതിരാളികളെ ബഹുദൂരം പിന്നിലാക്കിക്കൊണ്ടുള്ള പ്രവര്ത്തനമാണ് നടത്തുന്നത്.
ബിജെപി സഖ്യത്തിന് വിജയം നേടിയെടുക്കാന് കഴിയുന്ന തരത്തിലുള്ള പ്രവര്ത്തനമാണ് പഞ്ചായത്ത് കമ്മറ്റി പ്രസിഡന്റ് ബിജു മങ്ങാട്ടുമഠത്തിന്റെ നേതൃത്വത്തില് പഞ്ചായത്ത് ഭാരവാഹികളും സ്ഥാനാര്ത്ഥികളും പ്രവര്ത്തകരും നടത്തുന്നത്.
