ചേളാരി: ഇടതുവലത് മുന്നണികള് ഭരിച്ച് മുടിച്ച സംസ്ഥാനത്തെ രക്ഷിക്കാന് ബിജെപിക്ക് മാത്രമേ സാധിക്കുകയുള്ളുവെന്നും, മലയാളികള് വിശ്വാസം അര്പ്പിച്ചിരിക്കുന്ന പാര്ട്ടി ബിജെപിയാണെന്നും ദേശീയ നിര്വാഹക സമിതിയംഗം പി.കെ.കൃഷ്ണദാസ്. ചേളാരിയില് സംഘടിപ്പിച്ച പൊതുയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
പൊതുതെരഞ്ഞെടുപ്പില് ദേശീയ രാഷ്ട്രീയത്തില് സംഭവിച്ചതുപോലെ കേരളത്തിലും ബിജെപി മുന്നേറും.
അതിന്റെ ആദ്യചുവടാണ് ഇരുമുന്നണികളും അവഗണിച്ചുതള്ളിയ സാമുദായിക സംഘടനകള് ബിജെപിക്കൊപ്പം അണി നിരക്കുന്നത്. ബിജെപിയുടെ വളര്ച്ചയില് എല്ലാവരും ആശങ്കയിലാണ് അതുകൊണ്ടാണ് താനൂര്, കോട്ടക്കല് നഗരസഭകളില് ബിജെപിക്കെതിരെ സാമ്പാര് മുന്നണി അണിനിരന്നത്.
മാറാട് കൂട്ടക്കൊല നടന്ന സമയത്ത് വായ തുറക്കാത്തവര് ദാദ്രി വിഷയത്തില് മുതലകണ്ണീര് പൊഴിക്കുന്നതെന്തിനാണെന്ന് ജനങ്ങള് മനസിലാക്കി കഴിഞ്ഞു. കേന്ദ്രസര്ക്കാരിനെയും പ്രധാനമന്ത്രിയെയും കരിവാരിതേക്കാന് ചിലര് കിണഞ്ഞ് ശ്രമിക്കുന്നുണ്ട് പക്ഷേ അത് നടക്കില്ലെന്നും അദ്ദേഹം കൂട്ടിച്ചേര്ത്തു.
എം.ഗിരീഷ് അദ്ധ്യക്ഷത വഹിച്ചു. ജില്ലാ ജനറല് സെക്രട്ടറി എം.പ്രേമന് മാസ്റ്റര്, മണ്ഡലം പ്രസിഡന്റ് പീതാംബരന് പാലാട്ട്, സി.വി.വിനോദ്കുമാര്, എം.ഗണേശന്, പൈക്കാട്ട് ബാലകൃഷ്ണന് എന്നിവര് സംസാരിച്ചു.
