ആര്പ്പൂക്കര: മെഡിക്കല് കോളജ് ആശൂപത്രി പരിസരത്ത് പാര്ക്ക് ചെയ്യുന്ന ടൂവീലറുകളില് നിന്ന് പെട്രോള് മോഷ്ടിക്കുന്ന അഞ്ച് അംഗ മോഷ്ടാക്കള് അറസ്റ്റില്. വാഴയ്ക്കല് ജാസ്മോന്(18),പാലമൂട്ടില് ഷെറിന്(21),ആശാരിക്കുന്ന് വീട്ടില് വിശാല്(18), പ്രായപൂര്ത്തിയാവാത്ത രണ്ടുപേരെയുമാണ് ഗാന്ധിനഗര് പോലിസ് പിടികൂടിയത്. ശനിയാഴ്ച പുലര്ച്ചെ ഒന്നിന് ട്രോമകെയര് യൂനിറ്റിനു സമീപമുള്ള മൂന്നു ടൂവീലര് വാഹനപാര്ക്കിങ് സ്ഥലത്ത് നിന്ന് പോലിസ് എയ്ഡ്പോസ്റ്റില് ഡ്യൂട്ടിയിലുണ്ടായിരുന്ന സിപിഓമാരായ ജോബി, ശ്രീജിത്ത് എന്നിവരാണ് മോഷ്ടാക്കളെ പിടികൂടിയത്. അത്യാഹിതവിഭാഗത്തിന്റെയും ട്രോമ കെയര് യൂനിറ്റിന്റെയും ഇടക്കുള്ള ഭാഗത്ത് ജീവനക്കാരുടെതടക്കം ടൂവീലര് പാര്ക്ക് ചെയ്യുന്ന ഷെഡ്ഡ്സ്ഥാപിച്ചിട്ടുണ്ട്.
സംഭവദിവസം രാത്രി അഞ്ച് പേര് ഈ വാഹന പാര്ക്കിങ് സ്ഥലത്ത് നില്ക്കുന്നത് പോലിസിന്റെ ശ്രദ്ധില്പ്പെട്ടു. പോലിസിനെ കണ്ടെേതാഇവര് പോവാന് ശ്രമിച്ചെങ്കിലും ഉടന്തന്നെ ഗാന്ധിനഗര് പോലിസില് വിവരം അറിയിച്ചു. എസ്ഐ അരുണിന്റെ നേതൃത്വത്തിലുള്ള പോലിസ് സംഘം എത്തി ഇവരെ സ്റ്റേഷനില് കൊണ്ടു പോയി വിശദമായി ചോദ്യം ചെയ്യതപ്പോഴാണ് ടൂവീലറുകളില് നിന്ന് പെട്രോള് മോഷ്ടിച്ചവിവരം പറഞ്ഞത്.
ഇതിനു മുമ്പ് പലതവണ ഇവര് ആശൂപത്രി പരിസരത്ത് നിന്ന് ഇത്തരത്തിലുള്ള മോഷണം നടത്തിയിട്ടുള്ളതായി സമ്മതിച്ചിട്ടുണ്ടെന്ന് എസ്ഐ അരുണ് പറഞ്ഞു. ഇവര് എത്തിയ ഒരു ബൈക്കിന് നമ്പര് പ്ലേറ്റില്ലാതിരുന്നതിനെക്കുറിച്ച അന്വേഷണം നടത്തുമെന്ന് ഗാന്ധിനഗര് പോലിസ് അറിയിച്ചു.
പിടികൂടിയവരില് പ്രായപൂര്ത്തിയാവാത്ത രണ്ടുപേരെ പോലിസ് പിന്നീട് വിട്ടയച്ചു. ബാക്കി മൂന്നു പ്രതികളെ ചങ്ങനാശ്ശേരി കോടതിയില് ഹാജരാക്കിയ പ്രതികളെ റിമാന്റ് ചെയ്തു.
