കൊട്ടാരക്കര: അങ്കത്തട്ടില് ജയലളിതയുടെ അനുയായിയും. നെടുവത്തൂര് പഞ്ചായത്തിലെ കുറുമ്പാലൂര് ഏഴാം വാര്ഡിലാണ് എഐഎഡിഎംകെ സ്ഥാനാര്ത്ഥിയായി കുറുമ്പാലൂര് ചരുവിള വീട്ടില് ബൈജുവിന്റെ ഭാര്യ സവിത.എസ് മത്സരിക്കുന്നത്.
പാര്ട്ടിയുടെ കേരളാ ഘടകം പഞ്ചായത്ത് തെരഞ്ഞെടുപ്പില് മത്സരിക്കുവാന് സംസ്ഥാനത്ത് ഒമ്പത് പഞ്ചായത്തുകളിലാണ് നാമനിര്ദ്ദേശപത്രിക സമര്പ്പിച്ചത്. ദേശിംഗനാടിന്റെ തലസ്ഥാനമായ കൊല്ലം ജില്ലയില് തമിഴ്നാടിന്റെ ആധിപത്യം വര്ഷങ്ങള്ക്ക് മുമ്പേ തെളിയിച്ചതാണ്. ജയലളിത ചെയ്യുന്ന വികസന പ്രവര്ത്തനങ്ങള് മാതൃകയാക്കേണ്ടതാണെന്നും ഇവര് കൂട്ടിചേര്ത്തു. കേരളത്തില് കൊല്ലം ജില്ലയില് നെടുവത്തൂര് പഞ്ചായത്തില് കൂടാതെ ഇടുക്കി ജില്ലയില് ദേവികുളം പഞ്ചായത്തില് ഒന്നാം വാര്ഡ്, മൂന്നാര് പഞ്ചായത്തില് ഏഴാം വാര്ഡ്, മറയൂര് പഞ്ചായത്തില് മൂന്നാംവാര്ഡ്, പാലക്കാട് ജില്ലയില് കൊഴിഞ്ഞാംപാറ പഞ്ചായത്തില് മൂന്നാം വാര്ഡ്, ഏഴാം വാര്ഡ്, മല്ലപ്പള്ളി പഞ്ചായത്തില് പതിനാറ് എന്നിവിടങ്ങളിലാണ് സ്ഥാനാര്ത്ഥികള് മത്സരിക്കുന്നത്.
കൊട്ടാരക്കര നെടുവത്തൂര് പഞ്ചായത്ത് ഓഫീസില് പത്രിക സമര്പ്പണ ചടങ്ങില് തമിഴ്നാട് മുന് ദേവസ്വം വകുപ്പ് മന്ത്രി പി.സെന്തൂര്പാണ്ഡ്യന്റെ മകനും ചെങ്കോട്ട ടൗണ് സെക്രട്ടറിയുമായ സി.കൃഷ്ണമുരളി, എഐഎഡിഎംകെ കേരള സംസ്ഥാന സെക്രട്ടറി ശ്രീനിവാസന്, വേണുഗോപാല്, പ്രസിഡന്റ് എം.എസ്.മണി നേതാക്കളായ ഡി.കെ.സന്തോഷ്കുമാര്, സെല്വകുമാര്, അഭിലാഷ് , ബൈജു എന്നിവര് പങ്കെടുത്തു. പട്ടിണി മാറ്റി വെളിച്ചം നല്കൂ എന്ന മുദ്രാവാക്യവുമായാണ് തങ്ങള് തെരഞ്ഞെടുപ്പിനെ നേരിടുന്നതെന്ന് സ്ഥാനാര്ത്ഥിയായ സവിത പറഞ്ഞു.
