അഞ്ചാലുംമൂട്: അഞ്ചാലുംമൂട് പോലീസ് സ്റ്റേഷന് പരിധിയിലുള്ള പ്രവര്ത്തകരെ കള്ളകേസില് കുടുക്കാന് പോലീസ് നീക്കം നടത്തുന്നതായി ആര്എസ്എസ്. സിപിഎം നല്കുന്ന വ്യാജപരാതികളില് അേന്വഷണം നടത്താതെ നിരപരാധികളുടെ പേരില് കേസെടുക്കുന്നത് പ്രതിഷേധാര്ഹമാണ്. സിപിഎമ്മിന്റെ നിയന്ത്രണത്തിലാണ് പോലീസിന്റെ പ്രവര്ത്തനം. അവരുടെ ഏരിയ സെക്രട്ടറിയും ലോക്കല് സെക്രട്ടറിമാരുമാണ് സ്റ്റേഷനിലെ ഭരണകര്ത്താക്കളെന്നും ആര്എസ്എസ് കാര്യകാരി ആരോപിച്ചു.
കുരിപ്പുഴ, പനയം, ഇഞ്ചവിള പ്രദേശങ്ങളില് സിപിഎം നടത്തുന്ന വ്യാപക അക്രമങ്ങളില് പ്രതികളെ പിടികൂടാതെ സംരക്ഷിക്കുന്നത് പോലീസ് സിപിഎം ബന്ധത്തിന്റെ തെളിവാണ്. ദിവസങ്ങള്ക്ക് മുമ്പ് ഇഞ്ചവിള പട്ടികജാതി കോളനി അക്രമിച്ച് അത് ആര്എസ്എസ് പ്രവര്ത്തകരുടെ തലയില് കെട്ടിവയ്ക്കുകയായിരുന്നു. പഞ്ചായത്ത് തെരഞ്ഞെടുപ്പ് മുന്നില് കണ്ട് സിപിഎം നടത്തിയ ആസൂത്രിത നീക്കമായിരുന്നു ഈ സംഭവമെന്നും അതില് ആര്എസ്എസ് പ്രവര്ത്തകരെ പ്രതി ചേര്ക്കുക എന്നതായിരുന്നു അവരുടെ ലക്ഷ്യമെന്നും ചൂണ്ടിക്കാട്ടി. അതിന് ഒത്താശ ചെയ്യുന്ന തരത്തിലാണ് പോലീസിന്റെ ഇടപെടല്. ഇത്തരം പ്രവര്ത്തനങ്ങളുമായി മുന്നോട്ട് പോയാല് ശക്തമായ പ്രക്ഷോഭം സംഘടിപ്പിക്കുമെന്നും അര്എസ്എസ് കാര്യകാരി മുന്നറിയിപ്പ് നല്കി.
