പിറവം: രാമമംഗലം പഞ്ചായത്തിലെ മാമ്മലശേരിയില് മുന് സിപിഎം വാര്ഡ് മെമ്പര് ബിജെപി സ്ഥാനാര്ത്ഥിയായി. കഴിഞ്ഞ മുപ്പത്തിയഞ്ച് വര്ഷമായി സിപിഎം പ്രവര്ത്തകനും കര്ഷകസംഘം ഏരിയാ കമ്മറ്റിയംഗവും പാര്ട്ടി ലോക്കല് കമ്മറ്റി അംഗവുമായിരുന്ന മാമ്മലശേരി നന്ദിയോടത്ത് ഗോപാലകൃഷ്ണനാണ് പഞ്ചായത്തിലെ 9-ാം വാര്ഡ് ബിജെപി സ്ഥാനാര്ത്ഥി. 1978 മുതല് 98 വരെ രാമമംഗലം ലോക്കല് കമ്മറ്റിയംഗവും 90-95 വരെ രാമമംഗലം പഞ്ചായത്ത് വാര്ഡ് മെമ്പറുമായിരുന്ന തന്നോട് പാര്ട്ടി നീതിയും മര്യാദയും കാണിച്ചില്ലെന്ന് ഗോപാലകൃഷ്ണന് പറഞ്ഞു. പാര്ട്ടി പ്രവര്ത്തകര് കണ്ടാല് തിരിഞ്ഞ് നോക്കാറില്ല. എന്നാല് എനിക്ക് എന്ത് ആവശ്യം വന്നാലും ഓടിവരുന്നത് ബിജെപി പ്രവര്ത്തകരാണ്, അദ്ദേഹം പറഞ്ഞു. തന്റെ രാഷ്ട്രീയ പാരമ്പര്യവും പരിചയവും വച്ച് തെരഞ്ഞെടുപ്പ് പ്രചരണം തുടങ്ങിക്കഴിഞ്ഞു. എതിര്ചേരിയിലാണെങ്കിലും ഗോപിചേട്ടനോടുള്ള സ്നേഹംവച്ച് ഇത്തവണ ഗോപിച്ചേട്ടനാണ് വോട്ട് നല്കുന്നതെന്ന് ഒരുപഴയകാല കമ്മ്യൂണിസ്റ്റ് പ്രവര്ത്തകന് പറഞ്ഞു.
ബിജെപി രാമമംഗലം പഞ്ചായത്ത് സെക്രട്ടറി പി.ആര്.ശശികുമാറിന്റെ നേതൃത്വത്തിലുള്ള മാനേജ്മെന്റ് കമ്മറ്റി തെരഞ്ഞെടുപ്പ് പ്രചരണം തുടങ്ങിക്കഴിഞ്ഞു.
