കൊയിലാണ്ടി: ചേലിയ കഥകളി വിദ്യാലയത്തില് വിദ്യാര്ത്ഥിക്ക് അധ്യാപകനില് നിന്നും മര്ദ്ദനമേറ്റതിനെ തുടര്ന്ന് വിദ്യാര്ത്ഥിയുടെ നാട്ടുകാരും അധ്യാപകനും തമ്മിലുണ്ടായ സംഘര്ഷം ബിജെപി-ആര്എസ്എസ് പ്രവര്ത്തകരുടെ മേല് കെട്ടിവെക്കുന്നതില് പ്രതിഷേധം. പ്രവര്ത്തകരെ അകാരണമായി അറസ്റ്റ്ചെയ്യുകയും വീട്ടുകാരെ അര്ദ്ധരാത്രി സമയത്ത് പോലും ഭീഷണിപ്പെടുത്തുകയും ചെയ്യുന്ന കൊയിലാണ്ടി പോലീസിന്റെ നടപടിയില് ബിജെപി മണ്ഡലം കമ്മിറ്റി ശക്തമായി പ്രതിഷേധിച്ചു.
യഥാര്ത്ഥ പ്രതികളെ സംരക്ഷിച്ചുകൊണ്ട് സിപിഎമ്മിന്റെയും കോണ്ഗ്രസിന്റെയും പ്രചരണത്തില് കുടുങ്ങി ചെങ്ങോട്ട്കാവ് പഞ്ചായത്തിനെ തെരഞ്ഞെടുപ്പ് പ്രവര്ത്തനത്തിന് വിഷമം സൃഷ്ടിച്ചുകൊണ്ടാണ് പോലീസ് പെരുമാറുന്നത്. ബിജെപിയുടെ തെരഞ്ഞെടുപ്പ് വിജയത്തിന് തടയിടാനാണ്സിപിഎമ്മുംകോണ്ഗ്രസും അധ്യാപകന് നേരെയുണ്ടായ അക്രമത്തെ ബിജെപിക്ക് എതിരായി തിരിച്ചുവിടുന്നത്. കലാലയ അധികൃതര് പോലും സംഘടനയെ ഈസംഭവത്തില് കുറ്റപ്പെടുത്തിയിട്ടില്ല. കേസില് അറസ്റ്റ്ചെയ്ത വ്യക്തിക്ക് സംഭവത്തില് ബന്ധമില്ലെന്ന് അധ്യാപകര് പറഞ്ഞിട്ടുപോലും പോലീസ് ജയിലില് അടയ്ക്കുകയാണുണ്ടായതെന്ന് യോഗം കുറ്റപ്പെടുത്തി.
യോഗത്തില് മണ്ഡലം പ്രസിഡന്റ് വായനാരി വിനോദ് അധ്യക്ഷത വഹിച്ചു. സംസ്ഥാനസമിതി അംഗം ടി.കെ. പത്മനാഭന്, ജില്ലാസെക്രട്ടറി വി.കെ. ജയന്, മണ്ഡലം ജനറല്സെക്രട്ടറി ഉണ്ണികൃഷ്ണന്, കെ.വി.സുരേഷ് സംസാരിച്ചു.
നിരപരാധികളായ ബിജെ പി പ്രവര്ത്തകരെ അറസ്റ്റ്ചെയ്യുകയും രാത്രിസമയങ്ങളില് വീടുകള് പരിശോധിച്ച് സ്ത്രീകളെ ഭീഷണിപ്പെടുത്തുകയും ചെയ്യുന്ന കൊയിലാണ്ടി പോലീസ് നടപടിയില് ബിജെപി ചെങ്ങോട്ട്കാവ് പഞ്ചായത്ത് കമ്മിറ്റി പ്രതിഷേധിച്ചു. മര്ദ്ദനത്തില് ആര്എസ്എസിനും ബിജെപിക്കും പങ്കില്ലെന്ന് ചേലിയ കലാലയം പ്രസ്താവന നടത്തിയിട്ടും രാഷ്ട്രീയ മുതലെടുപ്പിന് ഭരണസ്വാധീനമുപയോഗിച്ച് പോലീസിനെ ഉപയോഗപ്പെടുത്തുന്ന കോണ്ഗ്രസിന്റെ ശ്രമത്തെ ബിജെപി അപലപിച്ചു.പ്രതിഷേധയോഗത്തില് ബിജെപി പഞ്ചായത്ത് പ്രസിഡന്റ് വി.ടി. വിജയന്, ദാസന്.സി, അഭിലാഷ് പോത്തല, മോഹനന് മുംതാസ് എന്നിവര് പ്രസംഗിച്ചു.
ഇന്റര്വ്യൂ നാളെ
കോഴിക്കോട്: ഗവ. ഫിസിക്കല് എഡ്യുക്കേഷന് കോളേജില് ബിപിഎഡ് കോഴ്സില് 2015-17 അധ്യയനവര്ഷത്തേക്ക് ഇനി പറയുന്ന ഒഴിവുകളുണ്ട്. താല്പര്യമുള്ളവര് സ്പോര്ട്സ് കിറ്റ്, വയസ് തെളിയിക്കുന്ന രേഖകള്, എസ്എസ്എല്സി ഒറിജനല് സര്ട്ടിഫിക്കറ്റ്, ഒറിജിനല് ഡിഗ്രി സര്ട്ടിഫിക്കറ്റ്, ജാതി തെളിയിക്കുന്ന സര്ട്ടിഫിക്കറ്റ് സഹിതം കോളേജ് ഗ്രൗണ്ടില് നാളെ രാവിലെ 7 മണിക്ക് നേരിട്ട് ഹാജരാകണം. പ്രായപരിധി 2-15 ജൂലായ് 1ന് 26 വയസ്സ് തികയാന് പാടില്ല. യോഗ്യത ബിരുദം. ഒഴിവുകളുടെ വിശദാംശങ്ങള്: എസ് സി 4, ബിപിഎല് 4, തിയ്യ/ബിലാവ/ഈഴവ-2, എസ്ടി 3, മുസ്ലിം 2.
