നായാട്ടുപാറ: കേരളത്തില് ബിജെപി ഇരുമുന്നണികള്ക്കും ഭീഷണിയായി ഏറ്റവും വലിയ ഒറ്റക്കക്ഷിയായി മാറിക്കഴിഞ്ഞുവെന്നും വരാന് പോകുന്ന ത്രിതല പഞ്ചായത്ത് തെരഞ്ഞെടുപ്പില് നൂറുകണക്കിന് ജനപ്രതിനിധികള് തിരഞ്ഞെടുക്കപ്പെടുമെന്നും ഒട്ടേറെ പഞ്ചായത്തുകളുടെ ഭരണം പിടിച്ചെടുക്കുമെന്നും ബിജെപി ജില്ലാ ജനറല് സെക്രട്ടറി അഡ്വ.വി.രത്നാകരന് അഭിപ്രായപ്പെട്ടു. ബിജെപി മട്ടന്നൂര് മണ്ഡലം ദ്വിദിന പഠന ശിബിരത്തില് പ്രസംഗിക്കുകയായിരുന്നു അദ്ദേഹം. കേരളത്തില് ബിജെപിയുമായി സഹകരിച്ചു പ്രവര്ത്തിക്കാന് എസ്എന്ഡിപിയോഗം തയ്യാറായപ്പോള് യോഗം ജന.സെക്രട്ടറി വെള്ളാപ്പള്ളി നടേശനെതിരെ ഉറഞ്ഞുതുള്ളുന്ന ഇടതു വലതു മുന്നണി നേതാക്കള് മുസ്ലീം ക്രിസ്ത്യന് പള്ളികളിലും അരമനകളിലും പോയി ന്യൂനപക്ഷങ്ങളെ പ്രീണിപ്പിക്കുന്ന നടപടി ജനങ്ങള് തിരിച്ചറിഞ്ഞെന്നും അദ്ദേഹം പറഞ്ഞു. പരസ്പരം അഴിമതികള് നടത്തുകയും അഴിമതിക്കാരെ സംരക്ഷിക്കുകയും ചെയ്യുന്ന നടപടികളാണ് ഇരുമുന്നണികളും പിന്തുടരുന്നത്. വരാന് പോകുന്ന തെരഞ്ഞെടുപ്പില് ഇരുമുന്നണികളുടെയും പൊള്ളത്തരങ്ങള് തുറന്നുകാട്ടി ബിജെപി ശക്തമായ പ്രചരണങ്ങള് നടത്തുമെന്നും രത്നാകരന്പറഞ്ഞു. ചടങ്ങില് മണ്ഡലം പ്രസിഡണ്ട് സി.വി.വിജയന് അധ്യക്ഷത വഹിച്ചു. ജില്ലാ നേതാക്കളായ വി.വി.ചന്ദ്രന്, വിജയന് വട്ടിപ്രം, കെ.രാധാകൃഷ്ണന്, യു.ഇന്ദിര, മണ്ഡലം നേതാക്കളായ എ.കൃഷ്ണന്, സി.വി.നാരായണന്, പി.ചെന്താമരാക്ഷന്, എ.എം.പുഷ്പജന്, കെ.മോഹനന്, പി.രതീശന്, പി.രാജന്, എ.കെ.പ്രേമരാജന്, വി.ശ്രീധരന്, സി.ജാനകി തുടങ്ങിയവര് പ്രസംഗിച്ചു.
ഇരുമുന്നണികളും ബിജെപിയെ ഭയക്കുന്നു : അഡ്വ.വി.രത്നാകരന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.