പത്തനാപുരം: പത്തനാപുരം ഫയര് സ്റ്റേഷന്റെ ഉദ്ഘാടനം മാറ്റി വച്ചു. ശനിയാഴ്ച നടക്കാനിരുന്ന ചടങ്ങാണ് അകാരണമായി മാറ്റിയത്. മൂന്നാം തവണയാണ് ഫയര് സ്റ്റേഷന്റെ ഉല്ഘാടന ചടങ്ങ് നീട്ടിവച്ചത്. രണ്ട് തവണയും വ്യക്തമായ കാരണം ഉണ്ടായിരുന്നില്ല. കഴിഞ്ഞമാസം നടക്കാനിരുന്ന ചടങ്ങ് കോണ്ഗ്രസ്-കേരള കോണ്ഗ്രസ് ബി സംഘര്ഷത്തെ തുടര്ന്ന് വേണ്ടെന്ന് വയ്ക്കുകയായിരുന്നു. സെപ്റ്റംബര് അവസാനം കൂടിയ താലൂക്ക് സമിതിയില് ഈ മാസം മൂന്നിന് ഫയര് സ്റ്റേഷന്റെ പ്രവര്ത്തനം ആരംഭിക്കാമെന്ന് തീരുമാനമുണ്ടായി .ഇതനുസരിച്ച് ആഭ്യന്തരമന്ത്രിയെ ക്ഷണിക്കുകയും ചെയ്തു. എന്നാല് ഇത്തവണയും ഫയര് സ്റ്റേഷന് പ്രവര്ത്ത നം യാഥാര്ത്ഥ്യമായില്ല. ആവണീശ്വരം നെടുവന്നൂര് പാലത്തിന് സമീപമുള്ള സര്ക്കാര് ഭൂമിയിലാണ് ഫയര് സ്റ്റേഷന് നിര്മ്മിച്ചിരിക്കുന്നത്. വളരെ വേഗം ഉദ്ഘാടനം ചെയ്യാനായി താല്ക്കാലിക കെട്ടിടവും നിര്മ്മിച്ചു. ഉദ്യോഗസ്ഥര്ക്കായി സമീപത്തെ കെട്ടിടവും തയ്യാറാക്കി. ഇവിടേക്കുള്ള രണ്ട് യൂണിറ്റ് ഫയര് എഞ്ചിനുകളും ആംബുലന്സും പുനലൂര് സ്റ്റേഷനില് എത്തിച്ചിട്ടുണ്ട്. കഴിഞ്ഞതവണ ഉദ്യോഗസ്ഥരെ നിയമിക്കുകയും ചെയ്തിരുന്നു. എന്നാല് ഉദ്ഘാടനം മാറ്റിയതോടെ നിയമന ഉത്തരവും റദ്ദാക്കി. തിരുവഞ്ചൂര് രാധാകൃഷ്ണന് അഭ്യന്തരമന്ത്രിയായിരുന്ന കാലത്താണ് ഫയര് സ്റ്റേഷന് അനുവദിച്ചത് .പത്തനാപുരം സിഐ ഓഫീസിന്റെ ഉദ്ഘാടനത്തിനെത്തിയ രമേഷ് ചെന്നിത്തലയാണ് തുടര്പ്രവര്ത്തനങ്ങള് പൂര്ത്തിയാക്കി ഉദ്ഘാടനം നടത്താന് നിര്ദ്ദേശം നല്കിയത്. എന്നാല് അനുമതി ലഭിച്ച് രണ്ടര വര്ഷം പൂര്ത്തിയായിട്ടും മലയോരമേഖലയിലെ ഫയര് സ്റ്റേഷന് യാഥാര്ത്ഥ്യമായില്ല. സര്ക്കാര് കാണിക്കുന്ന വിവേചനം കൊണ്ടാണ് ഫയര് സ്റ്റേഷന് ആരംഭിക്കാത്തതെന്ന് കെ.ബി.ഗണേഷ്കുമാര് എം എല് എ പറഞ്ഞു.
ഫയര്സ്റ്റേഷന് ഉദ്ഘാടനം മൂന്നാം തവണയും മുടങ്ങി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.