പത്തനാപുരം: ലോകവയോജനദിനത്തോടനുബന്ധിച്ച് ഗാന്ധിഭവനില് വയോജനരാജാവിനേയും രാജ്ഞിയേയും ആദരിച്ചു. ഇതുകൂടാതെ ഗാന്ധിഭവനിലെ ഏറ്റവും പ്രായം ചെന്ന വ്യക്തിയെ ആദരിക്കുകയും ചെയ്തു.
മണ്ണടി സ്വദേശിയായ 89 വയസുള്ള രാഘവന്പിള്ളയെ കിരീടമണിയിച്ച് ചെങ്കോലും നല്കി രാജാവായി വാഴിച്ചു. പരവൂര് പൂതക്കുളം സ്വദേശി 84കാരിയായ സരോജിനി അമ്മയെ കിരീടമണിയിച്ചും പുഷ്പഹാരമണിയിച്ചും ആദരിച്ചു. ഗാന്ധിഭവനിലുള്ള അന്തേവാസികളില് 108 വയസുള്ള ഏരൂര് സ്വദേശി ഇബ്രാഹിംകുട്ടിയെ മുത്തശന് സ്ഥാനം നല്കി ആദരിച്ചു. ഗാന്ധിഭവനില് നടന്ന വയോജനദിനാചരണവും ഗാന്ധിജിയുടെ ജീവിതത്തിലൂടെ എന്ന ചിത്രപ്രദര്ശനവും സ്നേഹരാജ്യം മാസികയുടെ അസോസിയേറ്റ് ചീഫ് എഡിറ്റര് വി.ബി.നന്ദകുമാര് ഉദ്ഘാടനം ചെയ്തു. പ്രൊജക്ട് മാനേജര് വി.കെ.കെ.വര്മ്മ അദ്ധ്യക്ഷനായിരുന്നു.
ഗാന്ധിഭവന് അസിസ്റ്റന്റ് സെക്രട്ടറി ജി.ഭുവനചന്ദ്രന് സ്വാഗതം പറഞ്ഞു. ഗാന്ധിഭവനില് നടന്നുവരുന്ന ഗുരുവന്ദനസംഗമത്തിന്റെ 274-ാമതു ദിനാചരണം പാം ഇന്റര്നാഷണല് ജോയിന്റ് സെക്രട്ടറി കെ.സി.ജയകുമാര് ഉദ്ഘാടനം ചെയ്തു. കേന്ദ്ര പരസ്യ ദൃശ്യ വിഭാഗം ഓഫീസര് എസ്.ബി.നായര്, വി.രമേശ്ബാബു, പിറവന്തൂര് രാജന്, പിറവന്തൂര് ഗോപാലകൃഷ്ണന്, പ്രസന്ന സോമരാജന്, ലീലാമ്മ സക്കറിയ തുടങ്ങിയവര് സംബന്ധിച്ചു. ഗാന്ധിജയന്തി ദിനത്തോടനുബന്ധിച്ച് കേന്ദ്ര ഡയറക്ടറേറ്റ് ഓഫ് അഡ്വര്ടൈസ്മെന്റ് ആന്റ് വിഷ്വല് പബ്ലിസിറ്റിയുടെ ആഭിമുഖ്യത്തില് ഗാന്ധിജിയുടെ ജീവിതത്തിലൂടെ ചിത്രപ്രദര്ശനം ഗാന്ധിഭവനില് നടക്കുന്നു. മൂന്നുദിവസമാണ് ചിത്രപ്രദര്ശനം നടക്കുക. ഇതോടൊപ്പം തന്നെ വികെസിയുടെ ആഭിമുഖ്യത്തില് ഗാന്ധിഭവന് സ്പെഷ്യല് സ്കൂളിന് സമീപമുള്ള തങ്കമ്മ വര്ക്ഷീസിനെ ആദരിച്ചു. പ്രോഗ്രാം കോ-ഓര്ഡിനേറ്റര് രാധാമണിയാണ് തങ്കമ്മ മുത്തശ്ശിയെ ആദരിച്ചത്. ഇതുകൂടാതെ വയോജനദിനത്തോടനുബന്ധിച്ച് ഗാന്ധിഭവനിലെ അന്തേവാസികളില് 85 വയസു കഴിഞ്ഞ മുപ്പതോളം വയോധികരെ ആദരിക്കുകയും ചെയ്തു.
