എരുമേലി: ഗ്രാമപഞ്ചായത്തിലെ വാര്ഡുകളുടെ സംവരണം പൂര്ത്തിയായതോടെ ഭരണസമിതിയിലടക്കം രണ്ടാം ഊഴം കാത്തുനിന്നവര് രണ്ടാമതായി. എന്നാല് കരയ്ക്കുനിന്ന ചിലരെ ഭാഗ്യം തുണച്ചേക്കുമെന്നാണ് ഇപ്പോഴത്തെ ചര്ച്ച. 23 വാര്ഡുകളുള്ള പഞ്ചായത്തില് 12 വനിതാ വാര്ഡുകളും, 9 ജനറല് വാര്ഡുകളും എസ്ടി1, എസ്സി1 എന്നിങ്ങനെയാണ് തിരിഞ്ഞത്. കഴിഞ്ഞ തവണ വനിതാ വാര്ഡ് ഇത്തവണ ജനറലാകുമെന്ന പ്രതീക്ഷയില് പ്രവര്ത്തിച്ച ഭരണസമിതിയിലേക്കും ഇരുമുന്നണികളിലേയും പല നേതാക്കളുടേയും മോഹം പൊലിഞ്ഞതാണ് ഇപ്പോഴത്തെ സ്ഥിതി.
എന്നാല് ജനറല് വനിതാ വാര്ഡും, വനിതാ സംവരണവും ഒന്നായി വന്ന ചില വാര്ഡുകളാണ് ചില മെമ്പര്മാരെ ഭാഗ്യംകൊണ്ട് തുണച്ചിരിക്കുന്നത്. പഞ്ചായത്ത് പ്രസിഡന്റായ അനിതാ സന്തോഷിനെ വനിതാ സംവരണത്തിലൂടെ ചേനപ്പാടി വീണ്ടും തുണച്ചപ്പോള് എരുമേലി ടൗണ്, നേര്ച്ചപ്പാറ വാര്ഡുകള് പല നേതാക്കന്മാര്ക്കും തിരിച്ചടിയായി. വിജയസാധ്യത മുന്നില്കണ്ട പല ജനറല് വാര്ഡുകളും 100 ശതമാനം വനിതാ, വനിതാസംവരണത്തിലേത്ത് തിരിഞ്ഞതോടെ വാര്ഡംഗമാക്കാമെന്ന കുപ്പായം അണിഞ്ഞവര് പലരും വെട്ടിലായി. ഇതിനിടെ മുന്നണികള് സ്ഥാനാര്ത്ഥികളെ കണ്ടുപിടിക്കാനുള്ള നെട്ടോട്ടത്തില്പെട്ടതോടെ പലനേതാക്കളും തിരഞ്ഞെടുപ്പ് ചിത്രത്തിന് പുറത്താകാനുള്ള സാധ്യതയുമുണ്ടായേക്കുമെന്നാണ് പാര്ട്ടിനേതാക്കള്തന്നെ പറയുന്നത്.
