ഇരിട്ടി: മസ്തിഷ്കമരണം സംഭവിച്ചുകഴിഞ്ഞ പാര്ട്ടിയാണ് സിപിഎം എന്നും അതുകൊണ്ടാണ് നിരന്തരം പാര്ട്ടി നേതാക്കള്ക്ക് നാക്കും വാക്കും പിഴച്ചുകൊണ്ടിരിക്കുന്നതെന്നും അരപ്പിരിയുള്ളവരെയും ഭ്രാന്തന്മാരെയും മറ്റും കൂട്ടി ബിജെപിയുടെയും സംഘപരിവാര് പ്രസ്ഥാനങ്ങളുടെയും വളര്ച്ച തടയാന് പ്രധിരോധത്തിനിറങ്ങിയിരിക്കുന്നതെന്നും ആര്എസ്എസ് സംസ്ഥാന സമിതി അംഗം സി.സദാനന്ദന് മാസ്റ്റര് പറഞ്ഞു. ഇരിട്ടിയില് സിപി ഐഎമ്മിന്റെ ഹിന്ദു വിരുദ്ധ നയത്തിനെതിരെ ഹിന്ദുഐക്യവേദിയുടെ ആഭിമുഖ്യത്തില് നടത്തുന്ന കിഴൂര് വില്ലേജ് പദയാത്ര ഉദ്ഘാടനം ചെയ്തു സംസാരിക്കുകയായിരുന്നു മാസ്റ്റര്. ആര്എസ് എസ് പ്രചാരകന്മാരെ ഇല്ലാതാക്കി കണ്ണൂരില് സംഘ പ്രസ്ഥാനങ്ങളെ ഇല്ലാതാക്കാന് വേണ്ടി പ്രസംഗിച്ചു നടക്കുന്ന സിപിഎമ്മിലെ സ്റ്റാലിനിസ്റ്റ് നേതാവാണ് ജയരാജന്. സത്യവും ധര്മ്മവും, നീതയും മാത്രമേ ഈ ഭൂമിയില് വിജയിക്കുകയുള്ളൂ. ഹിന്ദുദൈവങ്ങളെ സ്വന്തമാക്കാനും ഹിന്ദു ആഘോഷങ്ങള് നടത്താനും ഇവര് നടത്തുന്ന ശ്രമങ്ങള് ഹിന്ദു ഐക്യത്തെ തുരങ്കം വെക്കാന് വേണ്ടി മാത്രമാണെന്ന് നമ്മള് തിരിച്ചറിയണം. അദ്ദേഹം പറഞ്ഞു. ദൈവദശകം ചൊല്ലിക്കൊണ്ടു തുടങ്ങിയ പരിപാടിയില്ഭാരതീയ കര്ഷക മോര്ച്ച ജില്ലാ സിക്രട്ടറി രാംദാസ് എടക്കാനം അദ്ധ്യക്ഷത വഹിച്ചു. ആര്എസ്എസ് ജില്ലാസഹ കാര്യകാരി സദസ്യന് സോഹന് ലാല് ശര്മ്മ മുഖ്യഭാഷണം നടത്തി. ജാഥാ ലീഡര് കെ.ശിവശങ്കരന്, കെ.ജയപ്രകാശ് എന്നിവര് സംസാരിച്ചു. ജാഥ ഇന്ന് രാവിലെ 9മണിക്ക് പയഞ്ചേരിയില് നിന്നും ആരംഭിച്ചു നാളെ വൈകുന്നേരം 5മണിക്ക് പുന്നാട് സമീപിക്കും.
സിപിഎം മസ്തിഷ്ക മരണം സംഭവിച്ചു കഴിഞ്ഞ പാര്ട്ടി : സദാനന്ദന് മാസ്റ്റര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.