പറവൂര്: ദേശീയ അധ്യാപക പരിഷത്ത് ജില്ലാ സമ്മേളനം പറവൂരില് ബിജെപി സംസ്ഥാന ജനറല് സെക്രട്ടറി കെ. സുരേന്ദ്രന് ഉദ്ഘാടനം ചെയ്തു. കാലഹരണപ്പെട്ട പ്രത്യയശാസ്ത്രവും പേറി നടക്കുന്നവരാണ് ശ്രീനാരായണ ദര്ശനങ്ങളെ അപകീര്ത്തിപ്പെടുത്തിക്കൊണ്ടിരിക്കുന്നത്. ശ്രീനാരായണ ഗുരുവിനേയും ദര്ശനത്തേയും തലനാരിഴ കീറി പുച്ഛിക്കുകയും അപമാനിക്കുകയും ചെയ്ത പാരമ്പര്യമാണ് സിപിഎമ്മിന് ഉള്ളതെന്നും അത് അവര് ആവര്ത്തിക്കുക മാത്രമാണ് ചെയ്തുകൊണ്ടിരിക്കുന്നതെന്നും സുരേന്ദ്രന് പറഞ്ഞു. നിയമനനിരോധനം സര്ക്കാര് തുടര്ന്നു കൊണ്ടുപോകുന്നതിനെതിരെ ശക്തമായ പ്രതിഷേധം സംഘടിപ്പിക്കുമെന്നും അദ്ദേഹം പറഞ്ഞു.
പുല്ലംകുളം ശ്രീനാരായണ എച്ച്എസ്എസില് നടന്ന സമ്മേളനത്തില് എന്ടിയു ജില്ലാ പ്രസിഡന്റ് എം.ഹരിദാസ് അദ്ധ്യക്ഷത വഹിച്ചു. ഇടത് വലത് അദ്ധ്യാപക സംഘടനയില്നിന്ന് രാജിവച്ച് എന്ടിയുവില് ചേര്ന്നവരെ അഖില ഭാരതീയ ശൈക്ഷിക് മഹാസംഘ് ദക്ഷിണ ഭാരത സംഘടന കാര്യദര്ശി പി. ചന്ദ്രശേഖര്ജി മെമ്പര്ഷിപ്പ് നല്കി സ്വീകരിച്ചു. എന്ടിയു സംസ്ഥാന പ്രസിഡന്റ് വി.ഉണ്ണികൃഷ്ണന് മാസ്റ്റര് മുഖ്യപ്രഭാഷണം നടത്തി. ആര്എസ്എസ് ജില്ലാ കാര്യവാഹ് ടി.എം. മധു, കര്ഷകമോര്ച്ച സംസ്ഥാന സെക്രട്ടറി ഇ.എസ്. പുരുഷോത്തമന്, യുവമോര്ച്ച സംസ്ഥാന വൈസ് പ്രസിഡന്റ് അഡ്വ.കെ.എസ്. ഷൈജു, ബിഎംഎസ് ജില്ലാ സെക്രട്ടറി കെ.വി.മധുകുമാര്, എന്ജിഒ സംഘ് ജില്ലാ പ്രസിഡന്റ് വി.കെ. വിനയകുമാര്, സെക്രട്ടറി പി.ആര്. സുനില് കുമാര്, ബിജെപി പറവൂര് നിയോജകമണ്ഡലം പ്രസിഡന്റ് അജി പോട്ടശ്ശേരി, കെ.എന്. ഗോപാലകൃഷ്ണന്, എസ്. സുധീര്, ഒ.ബി. ലീന, എം.ശങ്കര്, സോമന് ആലപ്പാട്ട്, എന്.ഡി. ഷിബു, പ്രതീഷ് ഡി.ഷേണായ്, എം. മനോജ് എന്നിവര് പ്രസംഗിച്ചു.
