കൊച്ചി: ഗ്രാന്റ് കേരള ഷോപ്പിംഗ് ഫെസ്റ്റിവല് സീസണ് 9 ല് സംസ്ഥാനത്തെ 1000ത്തില്പരം ചെറുകിട വ്യവസായ സംരഭകര് പങ്കാളികളാകും. കേരളത്തിന്റെ സ്വന്തം ഉത്പന്നങ്ങളുടെ ബ്രാന്റുകള്ക്ക് പരമാവധി വിപണനവും, പ്രചരണവും ലഭ്യമാകുന്നതിനുള്ള പദ്ധതികള്ക്ക് ജികെഎസ്എഫുമായി ചേര്ന്ന് രൂപം നല്കും. ഓരോ വ്യവസായത്തിനും ഉതകുന്നരീതിയിലുള്ള പ്രത്യേക സമ്മാനപദ്ധതികളും, മറ്റ് ആനുകൂല്യങ്ങളും ഫെസ്റ്റിവലിനോടനുബന്ധിച്ച് നടപ്പിലാക്കും. വ്യവസായ വകുപ്പു മന്ത്രി പി.കെ. കുഞ്ഞാലിക്കുട്ടിയുടെ അദ്ധ്യക്ഷതയില് നടന്ന യോഗത്തിലാണ് വ്യവസായ സംരഭകരും, സംഘടനാ ഭാരവാഹികളും ജികെഎസ്എഫുമായി ധാരണയായത്.
ടൂറിസത്തെ ഉപയോഗപ്പെടുത്തി കേരളീയ ബ്രാന്റുകളുടെ പ്രചരണവും വിപണനവും സാധ്യമാക്കുന്ന പദ്ധതികള് ജികെഎസ്എഫില് നടപ്പിലാക്കുമെന്ന് യോഗത്തില് മന്ത്രി എ.പി. അനില് കുമാര് പറഞ്ഞു. ജികെഎസ്എഫ് ഡയറക്ടര് കെ.എം. അനില് മുഹമ്മദ്, വ്യവസായ വകുപ്പ് ജോയിന്റ് ഡയറക്ടര് സുരേഷ്കുമാര്, കെഎസ്എസ്ഐഎ പ്രസിഡന്റ് ആര്. രാമചന്ദ്രന് നായര്, സെക്രട്ടറി രമേഷ്, ജികെഎസ്എഫ് സംസ്ഥാന കോ-ഓര്ഡിനേറ്റര് വി.വിജയന് എന്നിവരും സംബന്ധിച്ചു. ധാരണയുടെ അന്തിമരൂപം നല്കുന്നതിനുവേണ്ടി ഒക്ടോബര് 2 ന് കളമശ്ശേരിയില് ചേരുന്ന കെഎസ്എസ്ഐ സംസ്ഥാന പ്രവര്ത്തക യോഗം വിനോദസഞ്ചാര വകുപ്പു മന്ത്രി എ.പി. അനില്കുമാര് ഉദ്ഘാടനം ചെയ്യും.
