കൊച്ചി: കൊച്ചി കപ്പല്ശാലയിലെ തൊഴിലാളികള്ക്കിടയില് നടത്തിയ ഹിതപരിശോധനയില് അംഗീകാരം നേടിയ ഷിപ്പ്യാര്ഡ് എംപ്ലോയിസ് സംഘിന് കപ്പല് ശാല നിര്മ്മിച്ചു നല്കിയ പുതിയ കാര്യാലയ മന്ദിരത്തിന്റെ ഉദ്ഘാടനം ബിഎംഎസ് സംസ്ഥാന ജനറല് സെക്രട്ടറി എം.പി. ചന്ദ്രശേഖരന് നിര്വ്വഹിച്ചു. ഉദ്ഘാടന സമ്മേളനത്തില് ഷിപ്പ്യാര്ഡ് എംപ്ലേയിസ് സംഘ് പ്രസിഡന്റ് കൂടിയായ സംസ്ഥാന വൈസ് പ്രസിഡന്റ് വി. രാധാകൃഷ്ണന് അദ്ധ്യക്ഷത വഹിച്ചു. കപ്പല്ശാലയിലെ എല്ലാ സംഘടനകളുടെയും പ്രതിനിധികളും, മാനേജ്മെന്റ് പ്രതിനിധികളും യോഗത്തില് പങ്കെടുത്തു. കേരളത്തിലെ മറ്റു പൊതുമേഖല സ്ഥാപനങ്ങള് പലതും നിലനില്പ്പിനായി പൊരുതുമ്പോള് കപ്പല് ശാല ലാഭത്തിന്റെ കണക്കുകളാണ് തുടര്ച്ചയായി പറയുന്നത് എന്ന് എം.പി. ചന്ദ്രശേഖരന് പറഞ്ഞു. തൊഴിലാളികളുടെയും മാനേജ്മെന്റിന്റെയും ജാഗ്രതയോടെയുള്ള പ്രവര്ത്തനമാണ് ഇത് സാധ്യമാക്കിയത്.
പൊതുസമ്മേളനത്തില് ബിഎംഎസ് സംസ്ഥാന നേതാക്കളായ എം.പി. രാജീവ്, സി.വി. രാജേഷ്, എന്.കെ. മോഹന്ദാസ് ജില്ലാ നേതാക്കളായ കെ.വി. മധുകുമാര്, സജിത് ബോള്ഗാട്ടി എന്നിവരും സംസാരിച്ചു. വിവിധ സംഘടനകളെ പ്രതിനിധീകരിച്ച് ജോണ് വര്ഗീസ്, ജി. വിജയന്, എ.കെ.കിഷോര്, എസ്.മോഹന്, പി.ദിനേശ് എന്നിവരും മാനേജ്മെന്റിനെ പ്രതിനിധീകരിച്ച് ജിഎംഐആര് എം.ഡി. വര്ഗ്ഗീസും ആശംസ അര്പ്പിച്ചു. ഫിനാന്സ് ഡയറക്ടര് പോള് രജ്ജന് മുഖ്യാതിഥി ആയിരുന്നു. കെ.ശശി നന്ദി പറഞ്ഞു.
