കൊച്ചി: ഗവ. മോഡല് എഞ്ചീനിയറിംഗ് കോളേജിലെ ദേശീയ ശാസ്ത്ര സാങ്കേതിക മേളയായ എക്സല് 2015 നോടനുബന്ധിച്ച് നടത്തുന്ന ഐബിഇടിഒ (ഇന്നവേഷന്സ് ഫോര് എ ബെറ്റര് ടുമാറോ) അവസാന ഘട്ട മത്സരം സംഘടിപ്പിക്കുന്നു. ദേശീയതലത്തില് സാമൂഹിക പ്രതിബദ്ധതയുള്ള നൂതന ശാസ്ത്രീയ ആശയങ്ങള് കണ്ടെത്തുവാനുള്ള മത്സരമാണ് ഐബിറ്റോ. 250 ആശയങ്ങളില്നിന്ന് തെരഞ്ഞെടുത്ത ഏഴ് ആശയങ്ങള് വിധികര്ത്താക്കള്ക്ക് മുന്നില് അവതരിപ്പിക്കും. വിജയികള്ക്ക് ഒരു ലക്ഷംരൂപയുടെ സമ്മാനത്തുകയും കെഎസ്ഐഡിസി നല്കുന്ന 20 ലക്ഷം വരെയുള്ള സീഡ് ഫണ്ടും ലഭിക്കും. കൂടാതെ പ്രൊഫസര് രാജേഷ് നായരുടെ കീഴില് തിരുവനന്തപുരത്തെ ഫാബ് ലാബില് പ്രവേശനവും ലഭിക്കും. സ്ക്കൂള് വിദ്യാര്ത്ഥികള്ക്കായി സംഘടിപ്പിക്കുന്ന ഐബിറ്റോ ജൂനിയര് മത്സരവും അന്നേ ദിവസം സംഘടിപ്പിക്കും. വിജയികള്ക്ക് 25,000 രൂപയുടെ സമ്മാനത്തുക ലഭിക്കും.
