എടക്കാട്: ആര്എസ്എസ് പ്രവര്ത്തകനെ ഭാര്യവീട്ടില് കയറി വെട്ടിക്കൊലപ്പെടുത്താന് ശ്രമം. കടമ്പൂരിലെ കണ്ടക്കുനിയില് സുമേഷി(28)നെയാണ് വെട്ടിപ്പരിക്കേല്പ്പിച്ചത്. അക്രമത്തില് സാരമായി പരിക്കേറ്റ ഇയാളെ തലശ്ശേരി ഇന്ദിരാഗാന്ധി ആശുപത്രിയില് പ്രവേശിപ്പിച്ചു. തലയ്ക്കും കാലുകള്ക്കുമായി 28ഓളം തുന്നലുകളുണ്ട്. വ്യാഴാഴ്ച രാത്രി 10.30ഓടെയാണ് സംഭവം. ഭാര്യ ദിവ്യയുടെ എടക്കാട് മുഴപ്പിലങ്ങാട് പാച്ചാക്കര ബീച്ചിന് സമീപമുള്ള വീട്ടില്വെച്ച് പത്തംഗ സിപിഎം സംഘം അക്രമിക്കുകയായിരുന്നു. എട്ട് മാസം പ്രായമുള്ള സുമേഷിന്റെ കുട്ടിയെ എടുത്തുകൊണ്ടുപോകുമെന്ന് സംഘം ഭീഷണിപ്പെടുത്തി.
വീട്ടില് സിപിഎം സംഘം എത്തി ഭീഷണി മുഴക്കുന്നുണ്ടെന്ന് ബന്ധുക്കള് വിവരമറിയിച്ചതിനെത്തുടര്ന്നാണ് സുമേഷ് സുഹൃത്തിനോടൊപ്പം വീട്ടിലെത്തിയത്. വീട്ടിലെത്തിയ സുമേഷിനെ അക്രമിക്കുന്നത് തടയാന് ശ്രമിച്ച സുഹൃത്ത് സുഹാസിന് നേരെയും വീട്ടുകാര്ക്ക് നേരെയും അക്രമമുണ്ടായി. സുഹാസിന്റെ രണ്ട് വിരലുകള്ക്ക് പരിക്കേറ്റിട്ടുണ്ട്. ഇതിനുമുമ്പും സുമേഷിന് നേരെ സിപിഎം അക്രമം നടത്തിയിട്ടുണ്ട്. സുമേഷിന് നേരെ നടന്ന അക്രമത്തില് ബിജെപി ധര്മ്മടം മണ്ഡലം പ്രസിഡണ്ട് ആര്.കെ.ഗിരിധരന് പ്രതിഷേധിച്ചു. വീടുകയറിയുള്ള അക്രമം ഇനിയുണ്ടാകില്ലെന്ന് സമാധാനയോഗങ്ങളില് ഉറപ്പുനല്കിയ സിപിഎം നേതാക്കളുടെ വാക്കിന് ഒരുവിലയുമില്ലെന്ന് ഈ സംഭവം തെളിയിച്ചിരിക്കുകയാണെന്ന് ഗിരിധരന് പ്രസ്താവനയില് പറഞ്ഞു.
