കൊച്ചി: കേന്ദ്രധനമന്ത്രി അരുണ് ജെയ്റ്റ്ലി ഇന്നും നാളെയും കൊച്ചിയില് വിവിധ പരിപാടികളില് പങ്കെടുക്കും. കാരുണ്യ പദ്ധതിയിലൂടെ സഹായം ലഭിച്ച ഉപഭോക്താക്കളുടെ എണ്ണം 1,11,111 ആയതിന്റെ പ്രഖ്യാപനം ഇന്ന് വൈകിട്ട് 3ന് എറണാകുളം ടൗണ്ഹാളില് ജെയ്റ്റ്ലി നിര്വ്വഹിക്കും. സമ്മേളനം മുഖ്യമന്ത്രി ഉമ്മന്ചാണ്ടി ഉദ്ഘാടനം ചെയ്യും. വൈകിട്ട് 4ന് കലൂര് ഗോകുലം പാര്ക്കില് കെ.എം. മാണിയെക്കുറിച്ച് പത്രപ്രവര്ത്തകന് കെ. ഗോവിന്ദന്കുട്ടിയെഴുതിയ പുസ്തകം ജയ്റ്റ്ലി പ്രകാശനം ചെയ്യും. തുടര്ന്ന് ഏഴ് മണിക്ക് താജ് ഹോട്ടലില് ബിജെപി വാണിജ്യ വ്യവസായ സെല് സംഘടിപ്പിക്കുന്ന ബിസിനസ് മീറ്റില് വ്യവസായ പ്രമുഖരുമായും അദ്ദേഹം സംവദിക്കും. നാളെ ഉച്ചയ്ക്ക് 2.30ന് എറണാകുളം ടൗണ്ഹാളില് മുന് ആഭ്യന്തരമന്ത്രി പി.ടി. ചാക്കോയുടെ ജന്മശതാബ്ദിവര്ഷ സമാപന സമ്മേളനം ജയ്റ്റ്ലി ഉദ്ഘാടനം ചെയ്യും. തുടര്ന്ന് വൈകിട്ട് 4ന് എജെ ഹാളില് നടക്കുന്ന ബിജെപി ജില്ലാ സ്പെഷ്യല് കണ്വെന്ഷനെ ജയ്റ്റ്ലി അഭിസംബോധന ചെയ്യും. സംസ്ഥാന പ്രസിഡന്റ് വി. മുരളീധരന് സംബന്ധിക്കും. ഇന്നലെ രാത്രി ഒമ്പത് മണിയോടെ നെടുമ്പാശ്ശേരി വിമാനത്താവളത്തിലെത്തിയ മന്ത്രിയെ നേതാക്കളായ വി. മുരളീധരന്, ബിജെപി സംസ്ഥാന ജനറല് സെക്രട്ടറി എ.എന്. രാധാകൃഷ്ണന്, ബിഎംഎസ് സംസ്ഥാന പ്രസിഡന്റ് വിജയകുമാര്, പി.എം.വേലായുധന്, എന്.പി.ശങ്കരന്കുട്ടി, നഗരീഷ്, പി.ജെ.തോമസ്, കെ.പി.മുരളി, എം.എന്.ഗോപി, കെ.പി.രാജന്, അഡ്വ.കൃഷ്ണദാസ് എന്നിവരുടെ നേതൃത്വത്തില് സ്വീകരിച്ചു.
അരുണ് ജെയ്റ്റ്ലി ഇന്നും നാളെയും കൊച്ചിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.