കരുനാഗപ്പള്ളി: കേരളത്തിലെ തീരപ്രദേശങ്ങള് കേന്ദ്രീകരിച്ച് മതപരിവര്ത്തനം വ്യാപകമാകുന്നു. ക്രിസ്ത്യന് സംഘടനകളുടെ ആസൂത്രിത ശ്രമമാണ് ഇതിന് പിന്നില്.
ഹിന്ദു ഭൂരിപക്ഷ പ്രദേശമായിരുന്ന തീരദേശ മേഖലകളില് സ്വാധീനമുറപ്പിക്കാന് സാധിക്കാത്ത പ്രദേശങ്ങളെയാണ് ഇവര് ലക്ഷ്യം വയ്ക്കുന്നതെന്നാണ് സൂചന. ഇതിന്റെ ഭാഗമായി ആലപ്പാട് പഞ്ചായത്തിലെ വെള്ളനാത്തുരുത്ത്, പണ്ടാരത്തുരുത്ത് പണിയൂര്കടവ്, ചെറിയഴിക്കല്, ആലപ്പാട് എന്നീ പ്രദേശങ്ങളില് നിന്നുള്ള 50 കുടംബങ്ങളാണ് വെള്ളി, ഞായര് ദിവസങ്ങളില് നടക്കുന്ന പ്രാര്ത്ഥനകളില് പങ്കെടുത്തുവരുന്നത്. കരുനാഗപ്പള്ളി കരോട്ടുമുക്കിലുള്ള സിമന്റ് ഗോഡൗണിനായി പണിത കെട്ടിടമാണ് പ്രാര്ത്ഥന നടത്തുന്നതിനായി ഉപയോഗിക്കുന്നത്. തങ്കു ബ്രദേഴ്സിന്റെ നേതൃത്വത്തിലുള്ള പെന്തകോസ്തു വിഭാഗമാണ് ഈ പ്രദേശങ്ങള് കേന്ദ്രീകരിച്ചുള്ള പ്രവര്ത്തനങ്ങള്ക്ക് നേതൃത്വം നല്കുന്നത്. ഇവിടെ നടക്കുന്ന പ്രാര്ത്ഥനകളില് തീരദേശത്തുനിന്നുള്ള ഇരുന്നൂറോളം ആളുകള് പങ്കെടുക്കുന്നുണ്ട്. ആലപ്പാട് പഞ്ചായത്തില് തന്നെയുള്ള അഴീക്കലില് ജെ.സാമുവല് സ്റ്റേറ്റ് പ്രസിഡന്റായിട്ടുള്ള ഡ്യു ഓഫ് ഗോഡിന്റെ നേതൃത്വത്തില് 15ല് പരം കുടുംബങ്ങള് മതം മാറി കഴിഞ്ഞു. ആലപ്പാട് പഞ്ചായത്തിലുള്ള കരയോഗങ്ങളില്പ്പെട്ട അംഗങ്ങള് മതപരിവര്ത്തനം ചെയ്തിട്ടും ഒട്ടു മിക്ക കരയോഗങ്ങളിലും വേണ്ടത്ര നടപടിയും ഈ പ്രശ്നത്തില് കൈകൊണ്ടില്ല. ഇവിടെ നിന്നുള്ള മത്സ്യതൊഴിലാളികളെ അഞ്ചുതെങ്ങില്വച്ച് ബന്തികളാക്കി അക്രമിച്ചപ്പോഴും കരയോഗങ്ങളുടെ ഭാഗത്ത് നിന്ന് വേണ്ടത്ര പ്രതികരണം ഉണ്ടായിട്ടില്ലെന്നും ആക്ഷേപം ഉയര്ന്നിരിക്കുകയാണ്. ഈ നില തുടര്ന്നാല് കേരളത്തിലെ മറ്റ് തീരദേശമേഖല ക്രിസ്ത്യന് ഭൂരിപക്ഷമേഖല ആയതുപോലെ ആലപ്പാടും സമീപ ഭാവിയില് ക്രിസ്ത്യന് ഭൂരിപക്ഷമേഖലയായി തീരുമെന്ന് വ്യക്തമാണ്.
