ബാഗ്ദാദ്: നിര്ബന്ധിത ലൈംഗികവേഴ്ചയ്ക്ക് ഇരയാക്കിയഇസ്ലാമിക് സ്റ്റേറ്റ് കമാന്ററേ ഇറാഖി യുവതി കൊലപ്പെടുത്തി. ഐഎസ് മുതിര്ന്ന നേതാവായ അബു അനസാണ് കൊല്ലപ്പെട്ടത്. ഐഎസിന്റെ ശക്തികേന്ദ്രങ്ങളില് ഒന്നായ മൊസൂള് സിറ്റിയിലാണ് സംഭവം നടന്നതെന്ന് പാശ്ചാത്യമാധ്യമങ്ങള് റിപ്പോര്ട്ടു ചെയ്തു.
ഇയാളെ യുവതി എങ്ങനെയാണ് കൊലപ്പെടുത്തിയതെന്നു സംബന്ധിച്ച കൃത്യമായ വിവരം ലഭിച്ചിട്ടില്ല. വെടിവച്ചാണ് കൊലപ്പെടുത്തിയതെന്ന് ചില റിപ്പോര്ട്ടുകളുണ്ട്. ഇയാള് യുവതിയെ മറ്റു പല ഭീകരുമായും ലൈംഗിക വേഴ്ചയ്ക്ക് നിര്ബന്ധിപ്പിച്ചിരുന്നു. ഇതിനു പ്രതികാരമായാണ് യുവതി, അബു അനസിനെ കൊലപ്പെടുത്തിയത്.
കമാന്ററേ കൊലപ്പെടുത്തിയ യുവതി യസീദ്ദി വംശജയാണ്. ഐഎസുകാര് ക്രൂരമായ പീഡനങ്ങള്ക്കും കൂട്ടകൊലയ്ക്കും വിധേയമാക്കിയ ഇറാഖി ന്യൂനപക്ഷ സമൂഹമാണ് യസീദ്ദികള്.
തട്ടിക്കൊണ്ടുപോയ നൂറുക്കണക്കിന് യസീദി പെണ്കുട്ടികളെ അടിമച്ചന്തയില് വില്പനയ്ക്കായി വച്ചിരിക്കുന്നതിന്റെയും വിലപേശുന്നതിന്റെയും ദൃശ്യങ്ങള് ഐഎസ് നേരത്തെ തന്നെ പുറത്തുവിട്ടിട്ടുണ്ട്.
ആഗസ്റ്റില് ലൈംഗിക അടിമകളാകുവാന് വിസമ്മതിച്ച 20 ഒളം സ്ത്രീകളെ ഐഎസ് കൂട്ടകൊല ചെയ്തത് വന് വാര്ത്തയായിരുന്നു. ഇതിന് പിന്നാലെയാണ് ഒരു യുവതിയുടെ പ്രതികാരം വാര്ത്തയാകുന്നത്.
