കടവന്ത്ര: പണ്ടാരച്ചിറ കോളനി നിവാസികളോടുള്ള വിവേചനം അവസാനിപ്പിച്ച് എത്രയുംവേഗം പട്ടയവിതരണം നടത്തണമെന്ന് ബിജെപി ജില്ലാ ജനറല് സെക്രട്ടറി എം.എന്. മധു ആവശ്യപ്പെട്ടു. ഒരുമാനദണ്ഡങ്ങളും പാലിക്കാതെ വന്കിടക്കാര്ക്ക് സ്ഥലങ്ങള് പതിച്ചുനല്കുന്ന മാറിമാറിവരുന്ന സര്ക്കാരുകള് ഒന്നര സെന്റുമായി ജീവിക്കുന്ന കോളനി നിവാസികളോട് ചിറ്റമ്മനയമാണ് തുടരുന്നതെന്നും അദ്ദേഹം പറഞ്ഞു.
പണ്ടാരച്ചിറ കോളനി നിവാസികള്ക്ക് പട്ടയം അനുവദിക്കണമെന്ന് ആവശ്യപ്പെട്ട് കര്ഷകമോര്ച്ച ജില്ലാകമ്മിറ്റിയും ബിജെപി കടവന്ത്ര ഏരിയാ കമ്മിറ്റിയും സംയുക്തമായി നടത്തിയ എളംകുളം വില്ലേജ് ഓഫീസ് മാര്ച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കര്ഷകമോര്ച്ച ജില്ലാസെക്രട്ടറി സി. സതീശന്, ബിജെപി ജില്ലാ വൈസ് പ്രസിഡന്റ് സജിനി രവികുമാര്, ജില്ലാസെക്രട്ടറി സഹജ ഹരിദാസ്, മണ്ഡലം പ്രസിഡന്റ് ബാബുരാജ് തച്ചേത്ത്, ന്യൂനപക്ഷ മോര്ച്ച ജില്ലാ പ്രസിഡന്റ് ജേഴ്സണ് എളംകുളം, ജില്ലാസമിതിയംഗം പി.ആര്. ഓമനക്കുട്ടന്, സെല് കണ്വീനര്മാരായ ഷിബു ആന്റണി, എം. രാജീവ്, സജോ എന്നിവര് പ്രസംഗിച്ചു. കടവന്ത്ര ജിസിഡിഎയ്ക്ക് മുന്നില്നിന്നാരംഭിച്ച മാര്ച്ചിന് ഏരിയാ ഭാരവാഹികളായ രാമകൃഷ്ണന് കിഴുപ്പിള്ളി, ഉഷാകുമാരി, പി.എം. വിജു, വിനീത് തിട്ടേത്തറ, മണ്ഡലം ജനറല് സെക്രട്ടറി മധുകുമാര്, എറണാകുളം നിയോജകമണ്ഡലം സെക്രട്ടറി ഷാജീവന് എന്നിവര് നേതൃത്വം നല്കി.
