ഇടുക്കി/ തൊടുപുഴ : നാടും നഗരവും അമ്പാടിയാക്കിക്കൊണ്ട് ശ്രീകൃഷ്ണ ജയന്തി ആഘോഷത്തില്‍ ആയിരക്കണത്തിന് ഭക്തജനങ്ങള്‍ പങ്കുചേര്‍ന്നു. ബാലഗോകുലത്തിന്റെ ആഭിമുഖ്യത്തില്‍ സംഘടിപ്പിച്ച ശോഭായാത്രയില്‍ നൂറുകണക്കിന് കുരുന്നുകള്‍ ശ്രീകൃഷ്ണന്റെയും രാധയുടെയും വേഷംപകര്‍ന്നു. ജില്ലയില്‍ ആയിരക്കണക്കിന് ഭക്തര്‍ ഒഴുകിയെത്തിയ ശോഭായാത്ര തൊടുപുഴയിലാണ് നടന്നത്. തൊടുപുഴ-കാരിക്കോട് ദേവീക്ഷേത്രം, കാഞ്ഞിരമറ്റം ശ്രീമഹാദേവക്ഷേത്രം, മുതലിയാര്‍മഠം ശ്രീമഹാദേവക്ഷേത്രം, മുതലക്കോടം ശ്രീമഹാദേവക്ഷേത്രം, ആരവല്ലിക്കാവ് ശ്രീഭഗവതി ക്ഷേത്രം, നെല്ലിക്കാവ് ശ്രീഭഗവതിക്ഷേത്രം, മണക്കാട് ശ്രീനരസിംഹ സ്വാമിക്ഷേത്രം, കാഞ്ഞിരംപാറ, ഒളമറ്റം, മലങ്കര കാട്ടോലി, തെക്കുംഭാഗം ശ്രീധര്‍മ്മശാസ്താ ക്ഷേത്രം, കാപ്പിത്തോട്ടം, പുതുപ്പരിയാരം എന്നിവിടങ്ങളില്‍ നിന്ന് തൊടുപുഴ ശ്രീകൃഷ്ണസ്വാമിക്ഷേത്ര സന്നിധിയിലേക്ക് മഹാശോഭായാത്രയാണ് നടന്നത്. ശ്രീകൃഷ്ണ ചൈതന്യകഥകളുടെ ദൃശ്യാവിഷ്‌കാരത്തോടെ വര്‍ണ്ണശബളമായ നിശ്ചലദൃശ്യങ്ങളും വാദ്യമേളങ്ങളും ശോഭായാത്രക്ക് തൊഴുപ്പേകി.
കാപ്പ് : കദളിക്കാട്, നെടുംപാറ മഹാദേവക്ഷേത്രം, മണിയന്തടം ശ്രീധര്‍മ്മശാസ്താ ക്ഷേത്രം, തലമറ്റം ശ്രീമഹാദേവക്ഷേത്രം, പനയക്കുന്ന് മാട്ടുപാറ എന്നിവിടങ്ങളില്‍നിന്നും ആരംഭിച്ച ശോഭായാത്ര അച്ചന്‍കവല പൂണവത്ത്കാവ്, ചെറായിക്കല്‍ ശ്രീസുബ്രഹ്മണ്യസ്വാമിക്ഷേത്രം എന്നിവിടങ്ങളില്‍നിന്നും ശോഭായാത്രയുമായി സംഗമിച്ച് മഹാശോഭായാത്രയായി കാപ്പ്- കുറിഞ്ഞിലിക്കാട്ട് ശ്രീധര്‍മ്മശാസ്താ ക്ഷേത്രത്തില്‍ സമാ
പിച്ചു.
വഴിത്തല : വഴിത്തല-കൈപ്പിളളിക്കാവ് ദേവീക്ഷേത്രത്തില്‍ നിന്നും വഴിത്തല-പാറേക്കാവ് ദേവീക്ഷേത്രത്തില്‍ നിന്നും ആരംഭിക്കുന്ന ശോഭായാത്രകള്‍ വഴിത്തല തൃക്കേക്കുന്ന് ശ്രീമഹാദേവക്ഷേത്രത്തില്‍ സമാപിച്ചു
പടി.കോടിക്കുളം : പടി.കോടിക്കുളം ചന്ദ്രപ്പിളളിക്കാവ് ദേവീക്ഷേത്രം, ഏഴല്ലൂര്‍ ധര്‍മ്മശാസ്താക്ഷേത്രം, പാറപ്പുഴ മഹാദേവക്ഷേത്രം എന്നിവിടങ്ങളില്‍ നിന്നും ആരംഭിക്കുന്ന ശോഭായാത്രകള്‍ കുളത്തിങ്കല്‍ കവലയില്‍ സംഗമിച്ച് മഹാശോഭായാത്രയായി പടി. കോടിക്കുളം ശ്രീസുബ്രഹ്മണ്യസ്വാമി ക്ഷേത്രത്തില്‍ അവസാനിച്ചു.
വണ്ണപ്പുറം : വണ്ണപ്പുറം പ്ലാന്റേഷന്‍ ഗുരുമന്ദിരത്തില്‍നിന്നും, കാളിയാര്‍, ഒടിയപാറ, വെണ്‍മറ്റം, ദര്‍ഭത്തൊട്ടി, മുട്ടുകണ്ടം, ചീങ്കല്‍സിറ്റി, നിരപ്പുപാറ എന്നിവിടങ്ങളില്‍നിന്നും ആരംഭിച്ച ശോഭായാത്ര വണ്ണപ്പുറം ഗുരുമന്ദിരത്തില്‍ സംഗമിച്ച് കാഞ്ഞിരക്കാട്ട് ശ്രീമഹാദേവ ക്ഷേത്രം വഴി വണ്ണപ്പുറം തെക്കേച്ചിറ മഹാവിഷ്ണു ക്ഷേത്രത്തില്‍ സമാ
പിച്ചു.
പുറപ്പുഴ : പുറപ്പുഴ-പുതുച്ചിറക്കാവ് ദേവീക്ഷേത്രത്തില്‍നിന്നും ബാലഗോകുലത്തിന്റെ ആഭിമുഖ്യത്തില്‍ വൈകിട്ട് 4 മണിക്ക് ആരംഭിച്ച ശോഭായാത്ര തറവട്ടം ശ്രീസുബ്രഹ്മണ്യ സ്വാമി ക്ഷേത്രത്തില്‍ സമാപിച്ചു.
അരിക്കുഴ : അരിക്കുഴ ഇടാട്ടുകുന്ന് ഭഗവതി ക്ഷേത്രത്തില്‍നിന്നും മൂഴിക്കല്‍ക്കാവ് ദേവീക്ഷേത്രം വഴി കോട്ടാറ്റ് വിഷ്ണുവണ്ണുവര്‍ മഹാദേവക്ഷേത്രത്തിലേക്ക് ശോഭായാത്ര നടത്തി.
ഉടുമ്പന്നൂര്‍ : ഉടുമ്പന്നൂര്‍, മറുക്, പാറേക്കാവ് ദേവീക്ഷേത്രം, അമയപ്ര ശ്രീമഹാദേവക്ഷേത്രം, തട്ടക്കുഴ ശ്രീമഹാദേവ ധര്‍മ്മശാസ്താ ക്ഷേത്രം, മലയിഞ്ചി പാറയില്‍ ക്ഷേത്രം, എന്നിവിടങ്ങളില്‍നിന്നും ആരംഭിച്ച ശോഭായാത്രകള്‍ ഉടുമ്പന്നൂര്‍ തൃക്കയില്‍ മഹാവിഷ്ണു ക്ഷേത്രത്തില്‍ സമാപിച്ചു.
ഏഴല്ലൂര്‍ : ഏഴല്ലൂര്‍ പ്ലാന്റേഷന്‍ ശ്രീമഹാദേവ ക്ഷേത്രത്തില്‍നിന്നും മലയിന്‍ക്കാവ് ഭഗവതിക്ഷേത്രം, പൈയ്യാവ് ഹനുമാന്‍ ക്ഷേത്രം, പ്ലാന്റേഷന്‍ ശ്രീഭുവനേശ്വരി ക്ഷേത്രം എന്നിവിടങ്ങളില്‍നിന്നും ഉമാമഹേശ്വര ബാലഗോകുലത്തിന്റെയും വിവിധ ക്ഷേത്ര ദേവസ്വങ്ങളുടെയും ആഭിമുഖ്യത്തില്‍ നടത്തിയ ശോഭായാത്ര കല്ലൂര്‍ ശ്രീമഹാദേവ ക്ഷേത്രത്തില്‍ സമാ
പിച്ചു.
കുമാരമംഗലം : വളളിയാനിക്കാട്ട് ശ്രീഭഗവതി ക്ഷേത്രത്തില്‍നിന്നും പെരുമ്പിളളിച്ചിറ ശ്രീകൃഷ്ണപുരം ശ്രീകൃഷ്ണസ്വാമി ക്ഷേത്രത്തിലേക്ക് മഹാശോഭായാത്ര
നടത്തി.
മണക്കാട് : മണക്കാട് നരസിംഹസ്വാമി ക്ഷേത്രത്തിലെ ശോഭായാത്രയ്‌ക്ക് മണക്കാട് കവലയില്‍ സ്വീകരണം നല്‍കി.
അടിമാലി : ആയിരമേക്കര്‍ കല്ലമ്പലം ദേവീ-അയ്യപ്പ ക്ഷേത്രത്തില്‍ ശ്രീകൃഷ്ണജയന്തി ആഘോഷത്തോടനുബന്ധിച്ച് ശിവജി ബാലഗോകുലത്തിന്റെ നേതൃത്വത്തില്‍ ശോഭയാത്ര നടത്തി. മാങ്കടവ് ദേവീക്ഷേത്രത്തിലും ശോഭയാത്ര നടന്നു.
ഏലപ്പാറ : ഏലപ്പാറ ശ്രീകൃഷ്ണസ്വാമി ക്ഷേത്ര കമ്മറ്റിയുടെ ആഭിമുഖ്യത്തില്‍ ഘോഷയാത്ര നടത്തി.
കട്ടപ്പന : പാറക്കടവ്,അമ്പലക്കവല,വലിയകണ്ടം,വെള്ളയാംകുടി,പേഴുംകവല തുടങ്ങിയ സ്ഥലങ്ങളിലെ ബാലഗോകുലങ്ങളുടെ ആഭിമുഖ്യത്തിലുള്ള ശോഭായാത്രകള്‍ കട്ടപ്പന ടി.ബി.ജംഗ്ഷനില്‍ സംഗമിക്കും.
കുമളി : അമരാവതി,ഒട്ടകത്തലമേട്,ഒന്നാംമൈല്‍,അട്ടപ്പള്ളം,സ്പ്രിഗ് വാലി,പളിയക്കുടി, മന്നാക്കുടി,റോസാപ്പൂക്കണ്ടം തുടങ്ങിയ സ്ഥലങ്ങളില്‍ ശോഭായാത്രകള്‍
നടന്നു.
പുളിയന്‍മല : ബാലഗോകുലങ്ങളുടെയും വിവിധ ക്ഷേത്ര ഭരണ സമിതികളുടെയുംനേതൃത്വത്തില്‍ ജന്‍മാഷ്ടമി ആഘോഷങ്ങള്‍ നടന്നും . പുളിയന്‍മല ശ്രീ സുബ്രഹ്മണ്യസ്വാമി ക്ഷേത്രത്തില്‍ നിന്ന് ആരംഭിച്ച മഹാശോഭായാത്ര സ്‌കൂള്‍മേട് ആദിപരാശക്തിക്ഷേത്രത്തില്‍ സമാപിച്ചു. പുറ്റടി സ്വയംപ്രഭാദേവി ക്ഷേത്രത്തില്‍ നിന്നാരംഭിച്ച മഹാശോഭായാത്ര ടൗണ്‍ ചുറ്റി ക്ഷേത്രാങ്കണത്തില്‍ സമാപിച്ചു.
അണക്കര : ചെല്ലാര്‍കോവില്‍ ഗുരുദേവ മന്ദിരം അണക്കര അയ്യപ്പസേവാസമിതി ഭജനമന്ദിരം, കടശ്ശിക്കടവ് ശിവപാര്‍വതി ക്ഷേത്രം ആറാംമൈല്‍ ഭദ്രകാളി ധര്‍മ്മശാസ്താ ക്ഷേത്രം തുടങ്ങിയ സ്ഥലങ്ങളില്‍ നിന്നും ആരംഭിച്ച ശോഭായാത്രകള്‍ അണക്കര ഗുരുദേവ സരസ്വതിക്ഷേത്രത്തില്‍ സമാപിച്ചു.
