കൊച്ചി: പാര്ലമെന്റ് സ്തംഭനത്തിലൂടെ രാജ്യപുരോഗതിക്കും വികസനങ്ങള്ക്കും തടസ്സം നില്ക്കുന്ന കോണ്ഗ്രസ്-കമ്മ്യൂണിസ്റ്റ് കൂട്ടുകെട്ടാണെന്ന് ദല്ഹി ഈസ്റ്റ് എംപി മഹേഷ് ഗിരി പ്രസ്താവിച്ചു. കഴിഞ്ഞ ഒന്നരവര്ഷംകൊണ്ട് നരേന്ദ്രമോദി ഗവണ്മെന്റിന്റെ പിന്തുണയില് വിറളി പിടിച്ച കോണ്ഗ്രസും ഇടതുപക്ഷവും പാര്ലമെന്റ് നടപടികള് തുടര്ച്ചയായി തടസ്സപ്പെടുത്തുകയാണ്. ബിജെപി വിഷന് പാര്ട്ടിയും കോണ്ഗ്രസ് ടെലിവിഷന് പാര്ട്ടിയും കമ്മ്യൂണിസ്റ്റ് ഡിവിഷന് പാര്ട്ടിയുമാണ്.
പാര്ലമെന്റ് സ്തംഭനത്തിനെതിരെ ബിജെപി രാജ്യവ്യാപക പ്രക്ഷോഭത്തിന്റെ ഭാഗമായി എറണാകുളം ഹൈക്കോടതി ജംഗ്ഷനില് നിയോജകമണ്ഡലം കമ്മറ്റി സംഘടിപ്പിച്ച പ്രതിഷേധ കൂട്ടായ്മ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ബിജെപി എറണാകുളം നിയോജകമണ്ഡലം പ്രസിഡന്റ് കെ.എസ്.സുരേഷ് കുമാര് അദ്ധ്യക്ഷത വഹിച്ചു.
ജില്ലാ പ്രസിഡന്റ് അഡ്വ.പി.ജെ.തോമസ്, ജനറല് സെക്രട്ടറി എന്.പി. ശങ്കരന്കുട്ടി, മേഖല സംഘടനാ സെക്രട്ടറി എം.കെ. ധര്മരാജന്, ജില്ലാ വൈസ് പ്രസിഡന്റുമാരായ എന്.എം. വിജയന്, കെ.പി. രാജന്, എന്. സജികുമാര്, ടി.പി. മുരളീധരന്, ജില്ലാ സെക്രട്ടറിമാരായ സജിനി രവികുമാര്, സരള പൗലോസ്, മഹിള മോര്ച്ച സംസ്ഥാന ജനറല് സെക്രട്ടറി അഡ്വ.ഒ.എം. ശാലീന, ബിജെപി സംസ്ഥാന കമ്മറ്റിയംഗം അഡ്വ. പി. കൃഷ്ണദാസ്, യുവമോര്ച്ച സംസ്ഥാന വൈസ് പ്രസിഡന്റ് അഡ്വ.കെ.എസ്. ഷൈജു, കര്ഷക മോര്ച്ച സംസ്ഥാന സെക്രട്ടറിമാരായ ഇ.എസ്. പുരുഷോത്തമന്, ടി. ബാലചന്ദ്രന്, കോര്പ്പറേഷന് കൗണ്സിലര് സുധ ദിലീപ്, ജില്ലാ കമ്മറ്റി അംഗങ്ങളായ സി.ജി. രാജഗോപാല്, പി.വി. അതികായന്, പി.കെ. രാജന്, കെ.കെ. വേലായുധന്, വൈപ്പിന് മണ്ഡലം പ്രസിഡന്റ് കെ.ടി.ബിനീഷ്, തൃക്കാക്കര മണ്ഡലം പ്രസിഡന്റ് ബാബു തച്ചേത്ത് എന്നിവര് പ്രസംഗിച്ചു. മണ്ഡലം ഭാരവാഹികളായ കെ.എസ്. ദിലീപ്, പി.എസ്. ഷാജീവന്, വി. ഉപേന്ദ്ര നാഥ പ്രഭു, ബിജെപി എറണാകുളം നിയോജകമണ്ഡലം ജനറല് സെക്രട്ടറി പ്രകാശ് അയ്യര് സ്വാഗതവും ജനറല് സെക്രട്ടറി പി.ജി. അനില്കുമാര് നന്ദിയും പറഞ്ഞു.
പള്ളുരുത്തി: ബിജെപി തൃപ്പൂണിത്തുറ നിയോജകമണ്ഡലം ഇടക്കൊച്ചിയില് നടത്തിയ പ്രതിഷേധ കൂട്ടായ്മയില് മണ്ഡലം സെക്രട്ടറി കെ.ഡി ദയാപരന് അദ്ധ്യക്ഷത വഹിച്ചു. ജില്ലാ പ്രസിഡന്റ് അഡ്വ: പി.ജെ. തോമസ്, ജനറല് സെക്രട്ടറി എന്.പി. ശങ്കരന്കുട്ടി, കെ പി സുബ്രഹ്മണ്യന്, നെടുമ്പാശ്ശേരി രവി, മണ്ഡലം പ്രസിഡന്റ് വി.ആര് വിജയകുമാര്, അഡ്വ.പി. കൃഷ്ണദാസ്, രാധികാരാജേന്ദ്രന്, കെ.ടി. ബൈജു, കെ.എസ്.സുബീഷ് എന്നിവര് പ്രസംഗിച്ചു.
മട്ടാഞ്ചേരി: ബിജെപി കൊച്ചി മണ്ഡലം കമ്മറ്റിയുടെ നേതൃത്വത്തില് തോപ്പുംപടി ബിഒടി ജംഗ്ഷനില് സംഘടിപ്പിച്ച ജനകീയ കൂട്ടായ്മയില് കൊച്ചി നിയോജകമണ്ഡലം പ്രസിഡന്റ് എന്.എസ്. സുമേഷ് അദ്ധ്യക്ഷത വഹിച്ചു. സംസ്ഥാന സമിതിയംഗം കെ. ശശിധരന്, വി.കെ. സുദേവന്, കര്ഷകമോര്ച്ച ജില്ലാ പ്രസിഡന്റ് പി.ബി. സുജിത്, മണ്ഡലം വൈസ് പ്രസിഡന്റുമാരായ അഡ്വ.വിജയ ചന്ദ്രമേനോന്, ആര്.ജി. രാമരാജ്, സെക്രട്ടറിമാരായ പി.ഡി. പ്രവീണ്, സി.എസ്. രാജേഷ്. വിവിധ മോര്ച്ചാ ഭാരവാഹികളായ അഗസ്റ്റിന്, വിമല രാധാകൃഷ്ണന്, രതി ബാബു, സന്ദീപ്, കെ.കെ. പത്മന് തുടങ്ങിയവര് നേതൃത്വം നല്കി.
