തൊടുപുഴ: സംസ്ഥാന പോലീസ് സിപിഎമ്മിന്റെ അക്രമം അടിച്ചമര്ത്താന് ഒരു നടപടിയും സ്വീകരിച്ചിട്ടില്ലെന്ന് ബിജെപി എംപി ഗോപാല് ഷെട്ടി ആരോപിച്ചു. സംസ്ഥാന സര്ക്കാര് സിപിഎമ്മുമായി നടത്തുന്ന രസഹ്യനീക്കത്തിന്റെ ഭാഗമായാണ് പോലീസ് ഇത്തരത്തിലുള്ള സമീപനം പുലര്ത്തുന്നതെന്നും അദ്ദേഹം പറഞ്ഞു. തൊടുപുഴയില് സിപിഎം ആക്രമണത്തില് ഗുരുതരമായി പരിക്കേറ്റ രജീഷ്, രാജേഷ് എന്നിവരുടെ വീടുകളില് സന്ദര്ശനം നടത്തിയതിന് ശേഷം മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം. ബിജെപിയുടെ വളര്ച്ച തടയാന് കോണ്ഗ്രസ്-സിപിഎം പരസ്യ സംഘമുണ്ടാക്കി പ്രവര്ത്തിക്കുകയാണെന്നും അദ്ദേഹം പറഞ്ഞു. പഞ്ചായത്ത് തിരഞ്ഞെടുപ്പില് ബിജെപി കേരളത്തില് വന് മുന്നേറ്റമുണ്ടാക്കും. കേന്ദ്ര സര്ക്കാരിന്റെ വികസനമാണ് കേരളത്തിലെ ജനങ്ങള് മുഖവിലയ്ക്കെടുക്കുന്നനെന്നും ഗോപാല് ഷെട്ടി പറഞ്ഞു.സിപിഎമ്മിന്റെ അക്രമത്തിന് ഇരയായ പ്രവര്ത്തകര്ക്ക് ബിജിപിയുടെ എല്ലാ വിധ സഹായവും ഉണ്ടാകുമെന്നും അദ്ദേഹം പറഞ്ഞു. പാര്ലമെന്റ് അനാവശ്യമായി തടസപ്പെടുത്തുന്ന കോണ്ഗ്രസ്, സിപിഎം നിലപാടുകള്ക്കെതിരെ ബിജെപി രാജ്യവ്യാപകമായി സംഘടിപ്പിക്കുന്ന കാമ്പയിന്റെ ഭാഗമായാണ് മഹാരാഷ്ട്രയില് നിന്നുള്ള ബിജെപി എംപി തൊടുപുഴയില് എത്തിയത്. വൈകിട്ട് നാലിന് കട്ടപ്പനയില് നടന്ന പൊതു സമ്മേളനത്തിലും അദ്ദേഹം പ്രസംഗിച്ചു.
ബിജെപിയുടെ വളര്ച്ച തടയാന് സംസ്ഥാനത്ത് കോണ്ഗ്രസ്-സിപിഎം സഖ്യം; ഗോപാല് ഷെട്ടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.