പത്തനാപുരം: മതസൗഹാര്ദ്ദവും മാനവസേവയും ഊട്ടിഉറപ്പിക്കുവാന് ശ്രീകൃഷ്ണ ജയന്തിക്ക് സാധിക്കുമെന്ന് പട്ടാഴി താഴത്തു വടക്ക് സിഎം എസ് ആംഗ്ലിക്കല് മഹാ ഇടവക വികാരി ഫാ.ഡോ.ജയിംസ് ചേന്നപ്പളളില് പറഞ്ഞു.
പട്ടാഴി വടക്ക് മെതുകുമ്മേല് ശ്രീ നാരായണപുരം ശ്രീകൃഷ്ണ ബാലഗോകുലത്തിന്റെ പതാകദിന ചടങ്ങില് സംസാരിക്കുകയായിരുന്നു അദ്ദേഹം. തുടര്ന്ന് ശ്രീകൃഷ്ണ ജയന്തിയുടെ വരവറിയിച്ചുളള ഗോകുല പതാക ഫാ.ജയിംസ് ചേന്നപ്പളളില് ഉയര്ത്തി. മതസൗഹാര്ദ്ദത്തിനുളള ഉത്തമ വേദികൂടിയായിരുന്നു പട്ടാഴിയില് നടന്ന പതാകദിനയോഗം. ചടങ്ങില് ബാലഗോകുലം പ്രവര്ത്തകരായ ആര്.ദിനേശ് കുമാര്, ജി.ഗണേഷ്, ആര്.അഖില്, കെ.രാജേന്ദ്രന്, ആര്.ഗോപകുമാര് എന്നിവര് സംസാരിച്ചു.
