പത്തനാപുരം: ആയിരത്തിഇരുന്നൂറോളം വരുന്ന അന്തേവാസികളുടെ സുഖവിവരങ്ങള് തിരക്കാനും ഓണവിശേഷങ്ങള് പങ്കുവയ്ക്കാനുമായി മുഖ്യമന്ത്രി ഉമ്മന്ചാണ്ടിയുടെ ഭാര്യ മറിയാമ്മ ഉമ്മന് പത്തനാപുരം ഗാന്ധിഭവനിലെത്തി. ഒപ്പം കൈയില് കരുതിയിരുന്ന ഉപ്പേരി എല്ലാവര്ക്കും വിതരണം ചെയ്ത് സ്നേഹം പങ്കുവച്ചു. ഗാന്ധിഭവന്റെ വിവിധ സംരംഭങ്ങള് നടന്നുകണ്ടു. മനോവൈകല്യങ്ങളുള്ളവരും, ഒറ്റപ്പെടലില് നിന്നും ഗാന്ധിഭവന് കൂട്ടുകുടുംബത്തിലെത്തിയവരും മറിയാമ്മ ഉമ്മനോട് മനസുതുറന്നു. സ്വന്തം വീട്ടിലുള്ളതുപോലെ സന്തോഷം ഇവിടെയുണ്ടോ എന്നുചോദിച്ചപ്പോള് അതിനേക്കാള് സന്തോഷമൊയിരുന്നു മറുപടി. ഓണസദ്യയും ഓണക്കളികളും ഒക്കെ ദിവസവും ഉണ്ടെന്നും, ഓണക്കോടി കിട്ടിയ വിവരവും അവര് പങ്കുവച്ചു. ഗാന്ധിഭവന് സെക്രട്ടറി ഡോ.പുനലൂര് സോമരാജന്, ചെയര്മാന് അഡ്വ.എന്. സോമരാജന്, ജനറല് മാനേജര് വിജയന് അമ്പാടി, വൈസ്ചെയര്മാന് അമല്രാജ്, അസി. സെക്രട്ടറി ജി.ഭുവനചന്ദ്രന്, സി.ഇ.ഒ ഗോപിനാഥ് മഠത്തില്, ട്രസ്റ്റ് അംഗങ്ങളായ പ്രസന്ന രാജന്, കെ. ഉദയകുമാര്, സൂപ്രണ്ട് സൂസന് തോമസ്, വിജയലക്ഷ്മി എന്നിവര് നേതൃത്വം നല്കി.
ഓണാതിഥിയായി മുഖ്യമന്ത്രിയുടെ ഭാര്യ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.