ആലപ്പുഴ: ദൈവദശക രചനാ ശതാബ്ദി സ്മരണ നിലനിര്ത്തുന്നതിന് പ്രാര്ത്ഥനാഹാള്, ധ്യാനഗവേഷണ കേന്ദ്രം, ലൈബ്രറി തുടങ്ങി ആധുനിക സൗകര്യങ്ങളോടെ ശിവഗിരിമഠത്തില് സ്മാരക മന്ദിരം ഗുരുധര്മ്മ പ്രചരണ സഭയുടെ നേതൃത്വത്തില് നിര്മ്മിക്കും. മന്ദിര ശിലാന്യാസം സപ്തംബര് 9ന് രാവിലെ 10.15ന് ധര്മ്മസംഘം പ്രസിഡന്റ് സ്വാമി പ്രകാശാനന്ദ നിര്വ്വഹിക്കും.
ജില്ലയില് നിന്നും മന്ദിരനിര്മ്മാണത്തിനാവശ്യമായ ഫണ്ട് സമാഹരിച്ചു നല്കുന്നതിന് ജില്ലാതല ഫണ്ടുസമാഹരണ കമ്മറ്റി രൂപീകരിച്ചു. ജില്ലാതല ഫണ്ടു സമാഹരണം 22ന് ഉച്ചയ്ക്ക് 2ന് കിടങ്ങാംപറമ്പ് സ്കൂള് ഹാളില് നടത്തും. സമ്മേളനം എംപി കെ.സി. വേണുഗോപാല് ഉദ്ഘാടനം ചെയ്യും. ഗുരുധര്മ്മ പ്രചരണസഭ സെക്രട്ടറി സ്വാമി ഗുരുപ്രസാദ് അദ്ധ്യക്ഷത വഹിക്കും. സ്വാമി അസ്പര് ശാനന്ദ അനുഗ്രഹപ്രഭാഷണവും ജി. സുധാകരന് എം എല്എ മുഖ്യസന്ദേശവും നല്കും.
അമ്പലപ്പുഴ എസ്എന്ഡിപിയൂണിയന് പ്രസിഡന്റ് കലവൂര് എന്. ഗോപിനാഥ്, കണിച്ചുകുളങ്ങര എസ്എന്ഡിപിയൂണിയന് പ്രസിഡന്റ് വി.എം. പുരുഷോത്തമന്, ബി ജെപി ജില്ലാ പ്രസിഡന്റ് വെള്ളിയാകുളം പരമേശ്വേരന് തുടങ്ങിയവര് പ്രസംഗിക്കും. ചന്ദ്രന് പുളിങ്കുന്നു സ്വാഗതവും എസ്.ഡി. രവി നന്ദിയും പറയും.
പത്രസമ്മേളനത്തില് മന്ദിര നിര്മ്മാണ കമ്മറ്റി ജില്ലാ ചെയര്മാന് ചന്ദ്രന് പുളിങ്കുന്ന് നിര്മ്മാണ കമ്മറ്റി ജനറല് കണ്വീനര് എസ്. ഡി. രവി, സുകുമാരന് മാവേലിക്കര, മോടിയില് രാമകൃഷ്ണന്, മുകുന്ദന് കരുവാറ്റ, വി.വി.ശിവപ്രസാദ്, സതീശന് അത്തിക്കാട് തുടങ്ങിയവര് പങ്കെടുത്തു.
