തൃപ്പൂണിത്തുറ: മാതൃഭാഷാഭിമാനസംഗമത്തോടനുബന്ധിച്ച് അമൃതഭാരതീവിദ്യാപീഠം ശ്രീനാരായണവിദ്യാപീഠവുമായി സഹകരിച്ച് നടത്തിയ കേരളഗാനാലാപനമത്സരത്തില് വിവിധ വിദ്യാലയങ്ങളില് നിന്നും മത്സരാര്ത്ഥികള് പങ്കെടുത്തു. ജന്മഭൂമിയുടെ അമൃതം മലയാളം പദ്ധതിയിലുള്പ്പെട്ട ശ്രീവെങ്കടേശ്വരഹൈസ്ക്കൂള്, പരമഭട്ടാരകേന്ദ്രീയവിദ്യാലയം, ശ്രീനാരായണവിദ്യാപീഠം എന്നീ വിദ്യാലയങ്ങളില് നിന്നും ഭാഷാമിത്രങ്ങള് കേരളഗാനാലാപനമത്സരത്തിനൊപ്പം നടന്ന ഭാഷാമിത്രസംഗമത്തില് പങ്കെടുത്തു. ശ്രീനാരായണവിദ്യാപീഠത്തില് നടന്ന മത്സരത്തില് ഭാവന്സ് മുന്ഷി വിദ്യാശ്രം തിരുവാങ്കുളം ഒന്നാംസ്ഥാനവും, ഹാഗീയസോഫിയ ഹയര്സെക്കണ്ടറി സ്ക്കൂള് മറ്റക്കുഴി രണ്ടാസ്ഥാനവും ശ്രീവെങ്കടേശ്വരഹൈസ്ക്കൂള് തൃപ്പൂണിത്തുറ മൂന്നാംസ്ഥാനവും പരമഭട്ടാര കേന്ദ്രീയവിദ്യാലയം വടയമ്പാടി നാലാം സ്ഥാനവും കരസ്ഥമാക്കി.
വിജയികള്ക്ക് വിദ്യാലയവിജയമുദ്രയും വ്യക്തിഗതസമ്മാനങ്ങളും സാക്ഷ്യപത്രങ്ങളും സമ്മാനിച്ചു. ശ്രീനാരായണവിദ്യാപീഠം പ്രിന്സിപ്പാള് രാഖിപ്രിന്സ്, ശ്രീനാരായണവിദ്യാപീഠം ട്രസറ്റ് ജോയന്റ സെക്രട്ടറി നടേശന്, കേരളഗാനാലാപനമത്സരം സംയോജിക ജേ്യാതി എന്നിവര് പ്രസംഗിച്ചു.
