മുഹമ്മ: ഭരണകൂടം മറന്നുപോയ ആലപ്പുഴയുടെ ജന്മദിനം ആഹ്ലാദം പെയ്തിറങ്ങിയ നിമിഷത്തില് കുട്ടിപ്പോലീസ് ആഘോഷിച്ചു. മുഹമ്മ എബി വിലാസം ഹയര്സെക്കണ്ടറി സ്കൂളിലെ എസ്പിസി കേഡറ്റുകളാണ് ജില്ലയുടെ രൂപീകരണദിനം സമൂഹത്തെ ഓര്മപ്പെടുത്തിയത്. ആലപ്പുഴയുടെ നേര്ക്കാഴ്ചകള് വരച്ചുകാട്ടുന്ന 150 ഓളം ചിത്രങ്ങളാണ് പ്രദര്ശിപ്പിച്ചത്. കടല്പ്പാലം, കനാലുകള്, കുട്ടനാടിന്റെ മനോഹാരിത തുളുമ്പുന്ന കായലും വയലുകളും, ചരിത്രസ്മാരകങ്ങള് എന്നിങ്ങനെ പോയ കാലത്തിന്റെയും വര്ത്തമാന കാലത്തിന്റെയും നേര്സാക്ഷ്യങ്ങള് പ്രദര്ശനത്തെ സമ്പന്നമാക്കി ഓള്കേരള ഫോട്ടോഗ്രാഫേഴ്സ് അസോസിയേഷന് അമ്പലപ്പുഴ-കുട്ടനാട് മേഖലാകമ്മറ്റി സഹകരണത്തോടെയാണ് ചിത്രപ്രദര്ശനം ഒരുക്കിയത്. ആഘോഷ പരിപാടി സര്ക്കിള് ഇന്സ്പെക്ടര് കെ. ജി. അനീഷ് ഉദ്ഘാടനം ചെയ്തു. പിടിഎ പ്രസിഡന്റ് എന് ടി റെജി അധ്യക്ഷത വഹിച്ചു. എസ്ഐ മഹേശ്വരന്കെ. എസ.് ലാലിച്ചന്,വി സവിനയന്,അശ്വതി,ശ്രീലത എന്നിവര് സംസാരിച്ചു.
മുഹമ്മ സിഎംഎസ് എല് പി സ്കൂളില് ആലപ്പുഴയുടെ ജന്മദിനം ആഘോഷിച്ചു. ജില്ലയുടെ സവിശേഷതകളും താലൂക്കുകളും ആലേഖനം ചെയ്ത ബോര്ഡ് ഓഡിറ്റോറിയത്തില് സ്ഥാപിച്ചു. പിടിഎ വൈസ്പ്രസിഡന്റ് ശ്രീജിത്ത് പ്രകാശനം ചെയ്തു. ഹെഡ്മാസ്ട്രസ് ജോളിതോമസ്, സ്റ്റാഫ്സെക്രട്ടറി അനീറ്റ, ജെസിതോമസ്, ജവഹര് എന്നിവര് സംസാരിച്ചു.
