കൊച്ചി: കല്യാണ് സില്ക്സിന്റെ ‘ഓണക്കോടിക്ക് ഒപ്പം ഒന്നരക്കോടിയും’ എന്ന സമ്മാനപദ്ധതിയുടെ രണ്ടാം ആഴ്ചയിലെ നറുക്കെടുപ്പ് എറണാകുളം ഷോറൂമില് നടന്നു. വീക്കിലി സമ്മാനമായ വോക്സ്വാഗണ് പോളോ കാറിന്റെ വിജയിയെ മന്ത്രി കെ. ബാബു തെരഞ്ഞെടുത്തു.
ഡെയ്ലി സമ്മാനമായ 7 ഹോണ്ട ആക്ടീവ സ്കൂട്ടറുകളുടെ വിജയികളെ മന്ത്രി കെ. ബാബുവും കെ.വി. തോമസ് എംപിയും ചേര്ന്ന് തെരഞ്ഞെടുത്തു. 7 എയര്കണ്ടീഷണറുകളുടെ വിജയികളെ എംഎല്എ ഹൈബി ഈഡനും 7 എല്ഇഡി ടിവികളുടെ വിജയികളെ കൊച്ചി കോര്പ്പറേഷന് ഡെപ്യൂട്ടി മേയര് ബി. ഭദ്രയും 7 വാഷിംഗ്മെഷീനുകളുടെ വിജയികളെ ചലച്ചിത്രതാരം അജുവര്ഗീസും തെരഞ്ഞെടുത്തു. 14 സ്മാര്ട്ട്ഫോണ് വിജയികളെ കെ.വി. തോമസ് എംപിയും കൊച്ചി കോര്പ്പറേഷന് മേയര് ടോണി ചമ്മിണിയും മുന് കൗണ്സിലര് കൃഷ്ണകുമാറും കല്യാണ് സില്ക്സ് ചെയര്മാനും മാനേജിംഗ് ഡയറക്ടറുമായ ടി.എസ്. പട്ടാഭിരാമനും ചേര്ന്ന് തെരഞ്ഞെടുത്തു. ഗിഫ്റ്റ് വൗച്ചറുകളും ഒട്ടനവധി സര്പ്രൈസ് സമ്മാനങ്ങളും ഉപഭോക്താക്കള്ക്ക് ലഭിച്ചു. കല്യാണ് സില്ക്സ് എക്സിക്യൂട്ടീവ് ഡയറക്ടര്മാരായ പ്രകാശ് പട്ടാഭിരാമന്, മഹേഷ് പട്ടാഭിരാമന് എന്നിവര് സന്നിഹിതരായിരുന്നു.
സെപ്തംബര് 15 ന് അവസാനിക്കുന്ന ഈ സമ്മാനപദ്ധതിയിലൂടെ ഒന്നരക്കോടിയിലേറെ രൂപയുടെ സമ്മാനങ്ങളാണ് ഉപഭോക്താക്കള്ക്ക് ലഭിക്കുക. ഒറ്റ ഷോപ്പിംഗിലൂടെ തന്നെ ഒന്നിലധികം തവണ സമ്മാനങ്ങള് നേടുവാനുള്ള അവസരം ലഭിക്കുമെന്നത് ഈ പദ്ധതിയുടെ സവിശേഷതയാണ്. ഡെയ്ലി പ്രൈസ്, വിക്ക്ലി പ്രൈസ്, ബമ്പര് പ്രൈസ് എന്നിങ്ങനെയാണ് ഘടന.
