കരിമണല്‍ : കരിമണലിന് സമീപം യുവാക്കള്‍ സഞ്ചരിച്ചിരുന്ന കാര്‍ കൊക്കയിലേക്ക് മറിഞ്ഞു. ആറുപേരടങ്ങുന്ന വിനോദയാത്ര സംഘം രക്ഷപ്പെട്ടത് തലനാരിഴയ്ക്ക്. എറണാകുളം ഏലൂര്‍ സ്വദേശിയായ അഖിലും സുഹൃത്തുക്കളും സഞ്ചരിച്ച വാഹനമാണ് അപകടത്തില്‍പ്പെട്ടത്. ഇവര്‍ സഞ്ചരിച്ചിരുന്ന റിറ്റ്‌സ് കാര്‍ കരിമണല്‍ ഓഡിറ്റ് – 2 എന്ന സ്ഥലത്ത് നിയന്ത്രണം വിട്ട് 200 അടി താഴ്ചയിലേക്ക് മറിയുകയായിരുന്നു. അമിതവേഗത്തില്‍ എത്തിയ കാര്‍ നിര്‍ത്തിയിട്ടിരുന്ന ലോറിയെ മറികടക്കാന്‍ ശ്രമിക്കുമ്പോഴാണ് കൊക്കയിലേക്ക് വീണത്. ഭാഗ്യവശാല്‍ കാര്‍ ആഴങ്ങളിലേക്ക് പോകാതെ പുല്‍ത്തിട്ടയില്‍ തട്ടി നില്‍ക്കുകയായിരുന്നു. കരിമണല്‍ പോലീസ് സംഘം സ്ഥലത്തെത്തി നാട്ടുകാരുടെ സഹായത്തോടെയാണ് യുവാക്കളെ കരയ്‌ക്കെത്തിച്ചത്. എറണാകുളം സ്വദേശികളായ ആഷിഫ്, അഭിലാഷ്, നോവിന്‍, സച്ചില്‍, ജിബിന്‍ എന്നിവരും സംഘത്തില്‍ ഉണ്ടായിരുന്നു. ആര്‍ക്കും പരിക്കേറ്റിട്ടില്ല.
കാര്‍ താഴ്ചയിലേക്ക് മറിഞ്ഞു യുവാക്കള്‍ രക്ഷപ്പെട്ടത് തലനാരിഴയ്ക്ക്
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.