കൊല്ലം: മുണ്ടയ്ക്കല് തുമ്പറ സേവാസമിതിയുടെ ഉദ്ഘാടനവും പഠനോപകരണവിതരണവും മുണ്ടയ്ക്കല് എസ്എന്ഡിപി ഹാളില് വച്ച് ഡോ.എസ്. ഉണ്ണികൃഷ്ണന്റെ അദ്ധ്യക്ഷതയില് നടന്നു. സമിതിയുടെ ഉദ്ഘാടനം പ്രൊഫ.എസ്. ബാലചന്ദ്രന് നിര്വഹിച്ചു. 150 ഓളം കുട്ടികള്ക്ക് പഠനോപകരണ വിതരണം ചെയ്തു.
തെരഞ്ഞെടുക്കപ്പെട്ട കുട്ടികള്ക്ക് പ്ലസ് വണ്, പ്ലസ്ടു വിദ്യാഭ്യാസ കാലയളവിലെ വിദ്യാഭ്യാസ ചെലവ് ഏറ്റെടുത്തു. ആര് എസ്എസ് കൊല്ലം വിഭാഗ് സഹകാര്യവാഹ് എസ്. അശോകന് മുഖ്യപ്രഭാഷണം നടത്തി. കൊല്ലം മഹാനഗര് സേവാപ്രമുഖ് മീനാട് ഉണ്ണി, യുവമോര്ച്ച ജില്ലാ പ്രസിഡന്റ് ആര്.എസ്. പ്രശാന്ത്, എന്നിവര് സംസാരിച്ചു. കെ. ഗണേഷ്കുമാര് സ്വാഗതവും, മണ്ഡല് സേവാ പ്രമുഖ് എല്.സിജു നന്ദിയും പറഞ്ഞു.
