ആലപ്പുഴ: ഗവ. സര്‍വീസ് സംഘടനാ രംഗത്തെ കര്‍മ്മധീരനായ സംഘടനാ പ്രവര്‍ത്തകനായിരുന്നു വി. രാജേന്ദ്രനെന്ന് കേരളാ എന്‍ജിഒ സംഘ് സംസ്ഥാന വൈസ് പ്രസിഡന്റും ഫെറ്റോ സംസ്ഥാന ട്രഷററുമായ ജയപ്രകാശ്. സര്‍ക്കാര്‍ ജീവനക്കാര്‍ക്കും പൊതുസമൂഹത്തിനും വേണ്ടി അടിയുറച്ചു പ്രവര്‍ത്തിക്കുകയും സ്വന്തം ആദര്‍ശത്തെ സജീവമായി മേഖലയില്‍ പകര്‍ത്തുവാനും വി. രാജേന്ദ്രന് സാധിച്ചു.
ഇതിനാലാണ് സംഘടനാ ചുമതലകളിലൂടെ വളര്‍ന്ന് ദേശീയ നേതൃത്വത്തിലേക്ക് ഉയര്‍ന്ന രാജേന്ദ്രന് രാഷ്‌ട്രീയ രാജ്യകര്‍മ്മചാരി സംഘിന്റെ ദേശീയ സെക്രട്ടറിയായി തെരഞ്ഞെടുക്കപ്പെട്ടതെന്നും അദ്ദേഹം കൂട്ടിച്ചേര്‍ത്തു. എന്‍ജിഒ സംഘിന്റെ ആഭിമുഖ്യത്തില്‍ നടന്ന യാത്രയയപ്പ് സമ്മേളനത്തില്‍ സംസാരിക്കുകയായിരുന്നു അദ്ദേഹം. സര്‍വീസില്‍ നിന്ന് വിരമിച്ച വാട്ടര്‍ ട്രാന്‍സ്‌പോര്‍ട്ട് എഒ: അരവിന്ദാക്ഷ കൈമള്‍, നഴ്‌സിങ് അസി. സരളമ്മ, ട്രഷറി ഓഫീസര്‍ ശശികുമാര്‍, കൊട്ടാരക്കര ഇഎസ്‌ഐ ഡിസ്പന്‍സറിയില്‍ നിന്ന് വിരമിച്ച വി. രാജേന്ദ്രനും ഉപഹാര സമര്‍പ്പണം നടത്തി.
ഫെറ്റോ ജില്ലാ പ്രസിഡന്റ് ഗോപിദാസ്, ഫെറ്റോ സംസ്ഥാന സെക്രട്ടറി എസ്.കെ. ജയകുമാര്‍, എന്‍ജിഒ സംഘ് ജില്ലാ പ്രസിഡന്റ് ജെ. മഹാദേവന്‍, സംസ്ഥാന സമിതി അംഗങ്ങളായ എ. പ്രകാശ്, കെ. മധു, ഫെറ്റോ സെക്രട്ടറി സോളിമോന്‍, കെ. രമാദേവി എന്നിവര്‍ സംസാരിച്ചു.
