ആലുവ: ദി എല്ഡേഴ്സ് അസോസിയേഷന് ആലുവ മാര്ത്താണ്ഡവര്മ്മ പാലത്തിന്റെ 75-ാം പിറന്നാള് ആഘോഷിച്ചു. മാര്ത്താണ്ഡവര്മ്മ ഇളയരാജാവ് 1940 ജൂണ് 14-ാം തീയതി പൊതുജനങ്ങള്ക്ക് തുറന്നുകൊടുത്ത ആലുവ മാര്ത്താണ്ഡവര്മ്മ പാലം കഴിഞ്ഞ 75 വര്ഷമായി രാജ്യത്തിന് നല്കുന്ന സേവനം അനുസ്മരിച്ചാണ് ദി എല്ഡേഴ്സിന്റെ ആഭിമുഖ്യത്തില് പിറന്നാള് ആഘോഷിച്ചത്.
രാവിലെ പറവൂര് കവലയില്നിന്ന് താളമേളങ്ങളോടെ ഘോഷയാത്രയായി എത്തി മാര്ത്താണ്ഡവര്മ്മ പാലത്തില് സ്ഥാപിച്ചിരിക്കുന്ന ശിലാഫലകത്തില് പുഷ്പാര്ച്ചന നടത്തി. എല്ഡേഴ്സ് ചെയര്മാന് പ്രൊഫ. ബിറ്റി ജോയി, കെ.കെ. തമ്പി, ആര്. മുരളീധരന്, കുര്യന് സാമുവല്, ഉഷാ ജി. പൈ കെ. ജനാര്ദ്ദനന്, ഹരികൃഷ്ണ പിഷാരടി, കെ.ബി. മുഹമ്മദ് ബഷീര് എന്നിവര് നേതൃത്വംനല്കി.
