പള്ളുരുത്തി: പെരുമ്പടപ്പില് സ്ത്രീയുള്പ്പെടെ മൂന്നുപേരെ ആക്രമിച്ച സംഭവത്തില് ആറ് പ്രതികള് പോലീസ് കസ്റ്റഡിയില്. പെരുമ്പടപ്പ് മേപ്പാടത്ത് വീട്ടില് സജീഷ് (31), പാടത്തറ വീട്ടില് വിപിന് (35), പെരുമ്പടപ്പ് എസ്എന് റോഡില് കുരിശുപറമ്പില് വീട്ടില് എംഗള്സന് (28), കുരിശുപറമ്പില് വീട്ടില് എബിന്കുമാര് (25), വി.എന്. പുരുഷന് റോഡില് വില്യംസ് (എച്ചപ്പന്-32), കുമ്പളങ്ങി ചാമ്പക്കല് വീട്ടില് പ്രബീഷ് (31) എന്നിവെരയാണ് പോലീസ് പിടികൂടിയത്. കഴിഞ്ഞ 18 നാണ് പെരുമ്പടപ്പ് ശംഖുതറ മുക്കിന് സമീപം ചക്കാലക്കല് വീട്ടില് ആലീസ് (62), മകന് രാജു (35), അയല്വാസി പ്രവീണ് (25) എന്നിവരെ ഗുണ്ടാ, മയക്കുമരുന്നുസംഘം ആക്രമിച്ചത്.
പ്രദേശത്തെ മയക്കുമരുന്ന് കച്ചവടം ചോദ്യംചെയ്തതാണ് അക്രമത്തിന് കാരണമെന്ന് പോലീസ് പറഞ്ഞു. അക്രമിസംഘത്തിന്റെ മര്ദ്ദനത്തില് ആലീസിന്റെ തലക്കും മുഖത്തിനും ഗുരുതര പരിക്കേറ്റിരുന്നു. മകന് രാജുവിന്റെ കാലും ആക്രമണത്തില് തകര്ന്നു. സംഭവം കണ്ട് പിടിച്ചുമാറ്റാന് ശ്രമിക്കുന്നതിനിടെയാണ് അയല്വാസി പ്രവീണിന് തലക്ക് ഗുരുതരമായി പരിക്കേറ്റത്.
ഇരുമ്പുവടി, കൊടുവാള് എന്നിവയുമായാണ് ആക്രമണം നടത്തിയതെന്ന് പോലീസ് അറിയിച്ചു. കേസിലുള്പ്പെട്ട മറ്റുള്ളവരെക്കുറിച്ചുള്ള അന്വേഷണം വ്യാപിപ്പിച്ചതായി പോലീസ് പറഞ്ഞു.പള്ളുരുത്തി സിഐ വി.ജി. രവീന്ദ്രനാഥിന്റെ നേതൃത്വത്തിലാണ് കേസന്വേഷണം നടക്കുന്നത്.
