കൊച്ചി: കേരളം തികഞ്ഞ ഭരണസ്തംഭനത്തിലാണെന്ന് ബിജെപി സംസ്ഥാന ജനറല്‍ സെക്രട്ടറി എ.എന്‍. രാധാകൃഷ്ണന്‍ പ്രസ്താവിച്ചു. കേരള ഭരണത്തിലെ അഴിമതിക്കും മൂല്യശോഷണത്തിനുമെതിരെ ബിജെപി ജില്ലാ കമ്മറ്റി കലൂരില്‍ സംഘടിപ്പിച്ച ജനാധിപത്യസംരക്ഷണ സദസ്സ് ഉദ്ഘാടനംചെയ്ത് സംസാരിക്കുകയായിരുന്നു അദ്ദേഹം.
ജനങ്ങളുടെ പ്രശ്‌നങ്ങള്‍ ചര്‍ച്ച ചെയ്യപ്പെടേണ്ട നിയമസഭ കയ്യാങ്കളിയുടെയും തരംതാണ രാഷ്‌ട്രീയ സദാചാരത്തിന്റെയും വേദിയായി. കെ.എം. മാണിയുടെ അഴിമതിക്ക് മുഖ്യമന്ത്രിയും ആഭ്യന്തരമന്ത്രിയും കൂട്ടുനില്‍ക്കുമ്പോള്‍ ജനം നിസ്സഹായരായിരിക്കുന്നു. കേരളത്തിന്റെ വികസനം പിന്നോട്ടടിക്കുന്നു, അദ്ദേഹം പറഞ്ഞു.ജില്ലാ പ്രസിഡന്റ് പി.ജെ. തോമസ് അധ്യക്ഷത വഹിച്ചു. സംസ്ഥാന സെക്രട്ടറി അഡ്വ. നാരായണന്‍ നമ്പൂതിരി മുഖ്യപ്രഭാഷണം നടത്തി.
ജില്ലാ േനതാക്കളായ എന്‍.പി. ശങ്കരന്‍കുട്ടി, എം.എന്‍. മധു, നെടുമ്പാശ്ശേരി രവി, കെ.വി. സാബു, അഡ്വ. പി. കൃഷ്ണദാസ്, എ.കെ. നസീര്‍, സരള പൗലോസ്, സജിനി രവികുമാര്‍, സഹജ ഹരിദാസ്, ഗിരിജ ലെനീന്ദ്രന്‍, എം.എല്‍. ഗംഗാധരന്‍, എന്‍. സജികുമാര്‍, എം.കെ. സദാശിവന്‍, അഡ്വ. ഷൈജു, ശ്രീകാന്ത് ശ്രീധര്‍, ഇ.എസ്. പുരുഷോത്തമന്‍, രേണുക സുരേഷ്, എന്‍.എം. വിജയന്‍, കെ.പി. രാജന്‍ തുടങ്ങിയവര്‍ പങ്കെടുത്തു.
