പൊന്‍കുന്നം: വീട്ടമ്മയുടെ കാലിലൂടെ സ്വകാര്യ ബസ്റ്റാന്‍ഡില്‍ ബസ് കയറിയിറങ്ങി. ആനിക്കാട് വണ്ടാനത്ത് സ്‌കറിയായുടെ ഭാര്യയും റിട്ട. ടീച്ചറുമായ അന്നമ്മ (56)ക്കാണ് ഗുരുതരമായി പരിക്കേറ്റത്. അന്നമ്മയെ തെള്ളകത്തെ സ്വകാര്യ ആശുപത്രിയില്‍ അടിയന്തിര ശസ്ത്രക്രിയക്ക് വിധേയമാക്കി.
ഇന്നലെ ഉച്ചകഴിഞ്ഞ് ഒരു മണിയോടെയായിരുന്നു അപകടം. വീട്ടിലേക്ക് പോകാനായി സ്റ്റാന്‍ഡില്‍ പാര്‍ക്ക് ചെയ്തിരുന്ന ബസ്സില്‍ കയറാനായി നടന്നു പോകുന്നതിനിടെ കുമളിയില്‍ നിന്നും കോട്ടയത്തിനു പോയ കൊണ്ടോടീസ് ബസ് ഇടിച്ചു വീഴ്‌ത്തുകയായിരുന്നു. ഇതിനിടെ ബസ്സിന്റെ മുന്‍വശത്തെ ഇടതുവശത്തെ ചക്രം ഒരു കാലിലൂടെ കയറിയിറങ്ങി. സംഭവമറിഞ്ഞെത്തിയ ഹൈവേപോലീസ്് അന്നമ്മയെ ആദ്യം കാഞ്ഞിരപ്പള്ളി ജനറല്‍ ആശുപത്രിയിലും പിന്നീട് കോട്ടയത്തെ സ്വകാര്യ ആശുപത്രിയിലും എത്തിച്ചു. അപകടത്തില്‍പെട്ട ബസും ജീവനക്കാരെയും പൊന്‍കുന്നം പോലീസ് കസ്റ്റഡിയിലെടുത്തു.
