കൊച്ചി: വര്ത്ത് വൈല് ഗ്യാസസ് പ്രൈവറ്റ് ലിമിറ്റഡ് (ഡബ്ല്യൂജിപിഎല്) ചിക്കാഗോയിലെ ആന്റണി തോബിയാസ്, സ്റ്റീവന് ജോണ് എന്നിവരുടെ കമ്പനിയായ എ.ജെ ഗ്യാസസുമായി കേരളത്തില് കൈകോര്ക്കുന്നു. കേരളത്തിലെ ഫ്രാഞ്ചൈസിക്ക് വേണ്ടിയാണ് പെട്രോളിയം ബിസിനസ് രംഗത്ത് മികച്ച പാരമ്പര്യമുള്ള ഇരുകമ്പനികളും ചേരലിന് തയ്യാറായിരിക്കുന്നത്.
പങ്കാളികളായ എ.ജെ ഗ്യാസസ് വഴിയാകും ഡബ്ല്യൂ.ജി.പി.എല് തങ്ങളുടെ ഉത്പ്പന്നങ്ങള് കേരളത്തില് വിതരണം ചെയ്യുക. പങ്കാളിയായ രാജന് ജോണിനായിരിക്കും കേരളത്തിലെ ഫ്രാഞ്ചൈസിയുടെ ചുമതല.
മാസ്റ്റര് ഫ്രാഞ്ചൈസി എന്ന നിലയില് എ.ജെ ഗ്യാസസ് ഡബ്ല്യൂജിപിഎല്ലിന് വേണ്ടി സംസ്ഥാനത്തുടനീളം ഡീലര്മാരെ നിയമിച്ച് അതുവഴി ശക്തവും വിശ്വസ്തവുമായ ഒരു വിതരണ ശൃംഖല സ്ഥാപിക്കുന്നതിന് സഹായിക്കും. “
വൈകാതെ തന്നെ സബ്സിഡി രഹിത എല്പിജി കേരളത്തില് തുടങ്ങുന്നതിനുള്ള തയ്യാറെടുപ്പിലാണ് ഡബ്ല്യൂജിപിഎല് ഇതിനായി ബോട്ടിലിങ്, ലോജിസ്റ്റിക്സ്, റഗുലര് ഗ്യാസ് സപ്ലെ എന്നീ കാര്യങ്ങളില് ഉടമ്പടിയില് എത്തിയിട്ടുണ്ട്. രാജ്യാന്തര എനര്ജി സൊലൂഷന്സ് ദാതാക്കളായ അമേരിക്കയിലെ ടൂര്സ് എനര്ജി കമ്പനിയുമായി ഡബ്ല്യൂജിപിഎല്ലിന് നിലവില് സാങ്കേതികവും തന്ത്രപരവുമായ പങ്കാളിത്തമുണ്ട്.
ഡബ്ല്യൂജിപിഎല്ലിന്റെ സബ്സിഡി രഹിത എല്.പി.ജിയായ “മൈ ഗ്യാസ്” ആറ്, 15, 17 കിലോ സിലിണ്ടറുകളാണ് വിപണിയിലെത്തിക്കുന്നത്. “
നിലവില് ഇന്ത്യന് വിപണി എല്പിജി വിതരണത്തിന് സംസ്ഥാനങ്ങളെ ആശ്രയിച്ചു കൊണ്ടിരിക്കുകയാണ്. ശക്തമായ നടപടി ക്രമങ്ങള് മൂലം കുടിയേറി താമസിക്കുന്ന അന്യ സംസ്ഥാനക്കാര്ക്ക് സബ്സിഡിയുള്ള എ.ല്പി.ജി ലഭിക്കുക ബുദ്ധിമുട്ടാണ്.
ഇതിന് അറുതി വരുത്തുക എന്നതാണ് ഡബ്ല്യൂ.ജി.പി.എല് ലക്ഷ്യമിടുന്നത്. ഉപഭോക്താക്കളെ കഷ്ടപ്പെടുത്താതെ എത്രയും വേഗം മികച്ച ഗുണമേന്മയുള്ള ഇന്ധനം അവര്ക്ക് ലഭ്യമാക്കുന്നതിന് വേണ്ടിയാണ് എല്ലാ ശ്രമങ്ങളും നടത്തുന്നത്,” ഡബ്ല്യൂജിപിഎല് മാനേജിങ് ഡയറക്ടര് അക്ഷയ് ജെയിന് അഭിപ്രായപ്പെട്ടു.
