കോട്ടയം: ഒരു സിപിഎം നേതാവിന്റെ ധാര്‍ഷ്ട്യം ഇടതുമുന്നണിക്ക് വിനയായെന്ന് സിപിഐ സംസ്ഥാന സമ്മേളനത്തില്‍ അവതരിപ്പിച്ച രാഷ്‌ട്രീയ റിപ്പോര്‍ട്ടില്‍ പറയുന്നു. ഇന്നലെ കോട്ടയത്ത് ആരംഭിച്ച സിപിഐ സംസ്ഥാന സമ്മേളനത്തില്‍ സെക്രട്ടറി പന്ന്യന്‍ രവീന്ദ്രന്‍ അവതരിപ്പിച്ച റിപ്പോര്‍ട്ടിലാണ് പിണറായി വിജയനെതിരെ പേരു പറയാതെയുള്ള ഈ വിമര്‍ശനമുള്ളത്. ഘടകകക്ഷികളെ പിണക്കിയത് പാര്‍ലമെന്റ് തെരഞ്ഞെടുപ്പില്‍ ആലപ്പുഴ, കൊല്ലം, മാവേലിക്കര സീറ്റുകളിലെ പരാജയത്തിന് കാരണമായി. കൂടാതെ സിപിഎം നേതൃത്വവും പ്രതിപക്ഷനേതാവുമായുള്ള ശീതസമരം എല്‍ഡിഎഫിന്റെ പ്രതിച്ഛായയെ തകര്‍ത്തുവെന്നും റിപ്പോര്‍ട്ടില്‍ പറയുന്നു. തിരുവനന്തപുരത്തെ സ്ഥാനാര്‍ത്ഥി നിര്‍ണയത്തില്‍ ഗൗരവമായ വീഴ്ച സംഭവിച്ചുവെന്നും റിപ്പോര്‍ട്ട് വിലയിരുത്തുന്നു. പ്രവര്‍ത്തക റിപ്പോര്‍ട്ട് സമ്മേളന പ്രതിനിധികളുടെ ഗ്രൂപ്പ് ചര്‍ച്ചകള്‍ക്കായി വിതരണം ചെയ്തു. ഇന്ന് രാവിലെ മുതല്‍ ഇതുസംബന്ധിച്ച റിപ്പോര്‍ട്ടിങ് നടക്കും.
ഒരു സിപിഎം നേതാവിന്റെ ധാര്‍ഷ്ട്യം ഇടതുമുന്നണിക്ക് വിനയായി: സിപിഐ
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.