നൂറ്റിയമ്പതില്പ്പരം രാജ്യങ്ങളില് പ്രചാരത്തിലുള്ള ജീവനകലയുടെ ഉപജ്ഞാതാവായ ശ്രീശ്രീ രവിശങ്കര് തനിക്ക് ലഭിക്കുമായിരുന്ന പത്മപുരസ്കാരം, അര്ഹിക്കുന്ന ഗൗരവത്തോടെ, എന്നാല് സ്നേഹപൂര്വം നിരസിച്ചത് തികച്ചും ശ്ലാഘനീയമാണ്, സ്വാഗതാര്ഹമാണ്.
ലോകമാസകലമുള്ള ലക്ഷക്കണക്കിന് ആര്ട്ട് ഓഫ് ലിവിംഗ് പ്രവര്ത്തകര് ‘ഗുരുജി’യുടെ നടപടിയില് അഭിമാനവും ആശ്വാസവും കൊള്ളുന്നവരായിരിക്കുമെന്ന കാര്യത്തില് സംശയമില്ല, പ്രത്യേകിച്ചും കേരളത്തിലെ അനുയായികള്.
പനത്താഴം, കൊച്ചി
നേതാജിയുടെ തിരോധാനം
സുഭാഷ്ചന്ദ്രബോസിനെപ്പറ്റിയുള്ള പലതരം കഥകളാണ് പ്രചരിക്കുന്നത്. അദ്ദേഹം വിമാനാപകടത്തില് മരണപ്പെട്ടുവെന്നാണ് ഇതിലൊന്ന്. റഷ്യ ഭരിച്ചിരുന്ന ജോസഫ് സ്റ്റാലിന്റെ തീരുമാനപ്രകാരം അദ്ദേഹം വധിക്കപ്പെടുകയാണുണ്ടായത് എന്ന് ഇപ്പോള് കേള്ക്കുന്നു. ഒരു വലിയ ചോദ്യചിഹ്നമായി അദ്ദേഹത്തിന്റെ തിരോധാനം ഇപ്പോഴും അവശേഷിക്കുന്നു.
സ്റ്റാലിന്റെ ഭരണകാലത്ത് തടവറയില്വെച്ച് നേതാജി കൊല്ലപ്പെട്ടുവെന്നതിന് തെൡവെന്താണ്? പേരില്ലാതെ ഒരു മുനിയായി അദ്ദേഹം ജീവിച്ചുവെന്നും പറയപ്പെടുന്നുണ്ട്.
ആകെക്കൂടി സുഭാഷ്ചന്ദ്രബോസിന്റെ മരണവും ജീവിതംപോലെ വലിയ ചോദ്യചിഹ്നമായി ശേഷിക്കുന്നു.
പൗലോസ് ഊഡന്, ഇരിഞ്ഞാലക്കുട
