മാണിയെ ഉപയോഗിച്ച് ഭരണത്തില് പിടിമുറുക്കിയിരുന്ന കത്തോലിക്കരുടെ തനിനിറം പുറത്തുവന്നുകൊണ്ടിരിക്കുന്നു. ഇപ്പോള് മാണി നല്ല മോനാണെന്ന് പറയുന്ന തിരുമേനിമാരോട് ചില ചോദ്യങ്ങള്.
മദ്യനയത്തില് മാണിക്കെതിരെ ഇപ്പോള് ഉയര്ന്നുവന്ന ആരോപണങ്ങള് വേറെ ഏതെങ്കിലും ജാതിയിലൊ സമുദായത്തിലൊപെട്ടവര്ക്കെതിരെയാണ് വന്നിരുന്നതെങ്കില് മാധ്യമങ്ങള് പണം വാങ്ങി വാര്ത്തകള് കൊടുത്തു എന്നൊന്നും പറയാതെ നിയമസഭ മന്ദിരം വളയുന്നതുള്പ്പെടെയുള്ള സമരങ്ങള് നടത്തി അയാളെ നിങ്ങള് രാജിവെപ്പിക്കില്ലായിരുന്നുവോ?
ഉമ്മന്ചാണ്ടി മദ്യനയത്തില് നിങ്ങള്ക്ക് ഇഷ്ടപ്പെടുന്ന തീരുമാനം എടുത്തില്ലായെങ്കില് താഴെയിറക്കും എന്ന് പറഞ്ഞ നിങ്ങള് മാണിയുടെ കാര്യം കാര്യം വന്നപ്പോള് നാണമില്ലാതെ ഏതറ്റം വരെയും പോകുവാന് തയ്യാറായിരിക്കുന്നു. ഇതാണോ കത്തോലിക്കാ സഭയുടെ മദ്യനയം.
ഭരിക്കുന്നവന്റെ ജാതിയും സമുദായവും നോക്കി പിന്തുണ കൊടുക്കുന്ന നിങ്ങളുടെ ഈ നയത്തിന് കേരളത്തിലെ ക്രിസ്തീയസമൂഹം വലിയ വില കൊടുക്കണ്ടാതായി വരും.
മാണി കുറ്റക്കാരനാണെങ്കില് ശിക്ഷിക്കപ്പെടട്ടെ. നിങ്ങള് ഇപ്പോള് മാണിക്കു കൊടുക്കുന്ന പിന്തുണ പണ്ട് വിമോചനസമരത്തില് വെടിയേറ്റുമരിച്ചവരുടെ കുടുംബത്തോടും തൊടുപുഴയിലെ കൈപോയ അദ്ധ്യാപകന്റെ കുടുംബത്തോടും നിങ്ങളുടെ സ്കൂള്-കോളേജുകളില് ഒരു സീറ്റിനുവേണ്ടി അലയുന്ന പാവപ്പെട്ട കത്തോലിക്കരോടും കാട്ടിയിരുന്നുവെങ്കില് സമൂഹവും സഭയിലെ സാധാരണക്കാരും നിങ്ങളെ പിന്തുണക്കുമായിരുന്നു.
