നെടുങ്കണ്ടം : ക്രിസ്മസ് ആഘോഷങ്ങള്ക്കായി തമിഴ്നാട്ടില് നിന്നും അനധികൃതമായി കൊണ്ടുവന്ന 8 ചാക്ക് വെടിമരുന്ന് സാധനങ്ങള് പിടികൂടി. കഴിഞ്ഞ ദിവസം രാത്രി രാമക്കല്മേട്ടില് വച്ചാണ് ചേറ്റുപാറ സ്വദേശി ആദര്ശ് ഭവനില് ബൈജു ശിവശങ്കരനെ നെടുങ്കണ്ടം പോലീസ് കസ്റ്റഡിയിലെടുത്തത്. ചേറ്റുപാറയില് സ്റ്റേഷനറി വ്യാപാരം നടത്തുകയാണ് ഇയാള്.
25000 രൂപയുടെ പടക്കം, കമ്പിത്തിരി, പൂത്തിരി തുടങ്ങിയ സാധനങ്ങള് തമിഴ്നാട്ടില് നിന്നും വാങ്ങി വാഹനത്തില് കമ്പം അടിവാരത്ത് എത്തുകയും അവിടെ നിന്നും തലച്ചുമടായി രാമക്കല് മേട്ടിലേക്ക് എത്തിച്ച് അവിടെനിന്നും ജീപ്പില് കയറ്റി കൊണ്ടുപോകുന്നതിനിടെയാണ് പോലീസ് പിടിയിലായത്. പ്രതിയെ നെടുങ്കണ്ടം കോടതിയില് ഹാജരാക്കി. എക്സ്പ്ലോസീവ് ആക്ട് പ്രകാരമാണ് കേസ് എടുത്തിരിക്കുന്നത്.
