മുണ്ടക്കയം: ഹിന്ദുഐക്യവേദിയുടെ ആഭിമുഖ്യത്തില് 25 ന് ചോറ്റിയില് സംഘടിപ്പിച്ചിരിക്കുന്ന ഏകദിനപഠനശിബിരം ഭാരതീയം ഹിന്ദുഐക്യവേദി സംസ്ഥാന അധ്യക്ഷ കെ.പി ശശികലടീച്ചര് ഉദ്ഘാടനം ചെയ്യും. സ്വാഗതസംഘം ചെയര്മാന് പി.എം രാമചന്ദ്രന് അധ്യക്ഷതവഹിക്കുന്ന ചടങ്ങില് സംസ്ഥാന അധ്യാപക അവാര്ഡ് ജേതാവ് രാജു മുല്ലമല മാഷിനെ ആദരിക്കും. തുര്ന്ന് ഷോഡശ സംസ്ക്കാരങ്ങള് എന്ന വിഷയത്തില് ഭാരതീയ ധര്മ്മ പ്രചാര്സഭയുടെ ചെയര്മാന് ഡോ. ശ്രീനാഥ് കാരയാട്ട്, കോഴിക്കോട് ക്ലാസ് നയിക്കും.
മാതൃകാഹിന്ദുകുടുംബം, ഗര്ഭധാന സംസ്കാരം, ഗര്ഭകാലചര്യകള്, പ്രസവാനന്തര പരിചരണം, നാമകരണചടങ്ങ്, ശിശുപരിചരണം, സത്സന്താനങ്ങളെ വാര്ത്തെടുക്കല്, സ്വഭാവരൂപീകരണം, വിവാഹചടങ്ങുകള്, വിവാഹത്തിന്റെ പവിത്രത, മാതൃക ഭാരഭര്തൃബന്ധം, മരണാനന്തരചടങ്ങുകള്, പുല ആചാരണം, പിതൃക്കളുടെ മോക്ഷപ്രാപ്തി, ആത്മാവ്, ജീവന്, പ്രാണന് തുടങ്ങിയ സങ്കല്പങ്ങള്, ബലി (ശ്രാദ്ധം), സമാജ സേവനം, സംഘാടനം, കൗണ്സിലിംഗ് തുടങ്ങിയ വിഷയങ്ങളില് പ്രമുഖ വ്യക്തികള് ക്ലാസ് എടുക്കും. സ്വാഗതസംഘം പ്രസിഡന്റ് എന്.പി സോമന് സ്വാഗതവും, ഹിന്ദുഐക്യവേദി താലൂക്ക് ജനറല് സെക്രട്ടറി കണ്ണന് ചോറ്റി നന്ദിയും പറയും.
