കോട്ടയം: ഈ വര്ഷത്തെ ചോഴിയക്കാട് ഹിന്ദുധര്മ്മ പരിഷത്ത് വിവിധ പരിപാടികളോടെ ശ്രീകൃഷ്ണസ്വാമിക്ഷേത്രസന്നിധിയില് നടക്കും. അഖണ്ഡനാമജപം, കലശാഭിഷേകം, നവഗ്രഹപൂജ, ഹിന്ദുധര്മ്മപരിഷത്ത് എന്നിവയോടൊപ്പം വിശ്വശാന്തിക്കും സര്വൈശ്വര്യത്തിനുമായി ജനുവരി 11 ന് നടക്കുന്ന ശ്രീവിഷ്ണുസഹസ്രനാമ മഹാമന്ത്രജപയജ്ഞം ഏറെ പ്രത്യേകതകള് നിറഞ്ഞതായിരിക്കും.
മൂന്ന് ദിവസങ്ങളിലായി നടക്കുന്ന ഹിന്ദുധര്മ്മപരിഷത്തില് ഇടവട്ടം രാമചന്ദ്രമേനോന് ശിവഗിരി മഠത്തിലെ സ്വാമി സച്ചിതാനന്ദ, കോഴിക്കോട് ശര്മ്മ വേമനശേരി എന്നിവര് വിവിധ വിഷയങ്ങളെ കേന്ദ്രീകരിച്ച് പ്രഭാഷണം നടത്തും. സഹസ്രനാമമഹാമന്ത്രജപയജ്ഞത്തില് അര്ച്ചകരായി പങ്കെടുക്കുവാന് താല്പര്യമുള്ള ഭക്തജനങ്ങള് മുന്കൂട്ടി പേര് രജിസ്റ്റര് ചെയ്യണം. കൂടുതല് വിവരങ്ങള്ക്ക് 0481 2331085, 9048511075, 9744251631 എന്നീ നമ്പരുകളില് ബന്ധപ്പെടണം.
