രാമപുരം : കുന്നപ്പള്ളിയില് കടന്നല് കുത്തേറ്റ് മൂന്നുപേര് ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചു. കടന്നല് കുത്തേറ്റ് രണ്ട് ആടുകള് ചത്തു. കരിപ്പാക്കുടിയില് കെ.കെ. ജോസഫ്, പാറയ്ക്കല് ടോമി, ഭാര്യ മേരി എന്നിവരാണ് ചികിത്സയിലുള്ളത്. പാലാ സെന്റ് തോമസ് കോളജിലെ റിട്ട. പ്രൊഫസര് കെ.കെ. ജോസഫിന് മകന്റെ കുട്ടിയെ സ്കൂളില് നിന്നും കൊണ്ടുവരുന്ന വഴിയ്ക്കാണ് കുത്തേറ്റ്. ഓടി രക്ഷപെടാന് ശ്രമിച്ച ജോസഫിനെ രക്ഷിക്കാന് ശ്രമിച്ച മഞ്ഞാടിയ്ക്കല് ജോസ്കുട്ടിയേയും കടന്നലുകള് ആക്രമിച്ചു. ജോസഫിനെ കൂത്താട്ടുകുളത്തെ സ്വകാര്യ ആശുപത്രിയില് പ്രവേശിപ്പിച്ചു. ടോമിയും ഭാര്യയും മേരിയും തോട്ടത്തില് റബറിന് മാര്ക്ക് ഇടുകയായിരുന്നു. കൂട്ടമായി എത്തിയ കടന്നലുകള് രണ്ടുപേരെയും കുത്തുകയായിരുന്നു. രണ്ടു പേരും ഓടി തൊട്ടടത്തുള്ള വീടിന്റെ ബാത്ത് റൂമില് കയറി വാതിലടച്ച് രക്ഷപെടുകയായിരുന്നു. അവശനിലയിലായ രണ്ടുപേരെയും പ്രവിത്താനത്തെ സ്വകാര്യ ആശുപത്രിയില് എത്തിക്കുകയായിരുന്നു. തോട്ടത്തില് റബ്ബറിന് കെട്ടിയിരുന്ന രണ്ട് ആടുകള് കടന്നല് കുത്തേറ്റ് തത്ക്ഷണം ചത്തു. ആടിന്റെ കുഞ്ഞുങ്ങള് ഓടി രക്ഷപെട്ടു. പല പ്രാവശ്യം കടന്നലുകളുടെ ആക്രമണം ഉണ്ടായിട്ടുള്ള പ്രദേശമാണ് ഇവിടം. ഏതാനും വര്ഷം മുന്പ് ഇവിടെ ഒരാള് കടന്നല് കുത്തേറ്റ് മരിച്ചിരുന്നു.
കടന്നല് കുത്തേറ്റ് ദമ്പതികള് അടക്കം മൂന്നുപേര് ആശുപത്രിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.