കൊച്ചി: ഖത്തര് എയര്വെയ്സ് ജനപ്രിയ ഓഫര് ആയിരുന്ന ഡബിള് ദി ലക്ഷ്വറി ഓഫര് വീണ്ടും അവതരിപ്പിച്ചു. ഇതനുസരിച്ച് തെരഞ്ഞെടുക്കപ്പെട്ട കേന്ദ്രങ്ങളിലേക്ക് ബിസിനസ് ക്ലാസ്സില് ഒരു ടിക്കറ്റ് എടുക്കുമ്പോള് സഹയാത്രികന് അതേ ക്ലാസ്സിലെ മറ്റൊരു ടിക്കറ്റ് തികച്ചും സൗജന്യമായി ലഭിക്കും. നവംബര് 22 വരെ ഈ ഓഫര് പ്രകാരം ടിക്കറ്റ് ബുക്ക് ചെയ്യാം. 2015 മാര്ച്ച് 31 വരെ യാത്ര ചെയ്യാം.
ഇന്ത്യയില് നിന്നുള്ള യാത്രക്കാര്ക്ക് ഖത്തര് എയര്വെയി്സിന്റെ ഏതെങ്കിലും സെയില്സ് ഓഫീസില് നിന്നോ ഖത്തര് എയര് വെയിസ് വെബ്സൈറ്റിലൂടെയോ ടിക്കറ്റ് ബുക്ക് ചെയ്യാവുന്നതാണ്. ഈ ഓഫര് പ്രകാരം ഖത്തര് എയര് വെയിസിന്റെ പ്രിവിലേജ് ക്ലബ് അംഗങ്ങള്ക്ക് യാത്രക്ക് 24 മണിക്കൂര് മുന്പ് ബുക്ക് ചെയ്താല് ക്യൂ മൈല്സില് 50 ശതമാനം ബോണസ് ലഭിക്കും.
ഉപഭോക്താക്കള്ക്ക് മികച്ച ഓഫര് നല്കണമെന്ന് നിര്ബന്ധം ഉള്ളതിനാലാണ് ഓഫര് വീണ്ടും അവതരിപ്പിച്ചതെന്ന് ഖത്തര് എയര് വെയ്സ് ഇന്ത്യ സബ് കൊണ്ടിനന്റ് വൈസ് പ്രസിഡന്റ് ഇഹാബ് സൊരിയല് അഭിപ്രായപ്പെട്ടു. ഭാരതത്തിലെ 12 നഗരങ്ങളില് നിന്ന് ഖത്തര് എയര്വെയിസ് സര്വീസ് നടത്തുന്നുണ്ട്.
